Zdareńnie adbyłosia ŭ Maładziečnie, u mahazinie na hałoŭnaj vulicy horada — Vialikim Haścincy, tam spracavała tryvožnaja knopka, paviedamlaje Rehijanalnaja hazieta sa spasyłkaj na abłasnuju milicyju.
U praduktovy mahazin zajšoŭ 22-hadovy maładziečaniec z dvuma pryjacielami i tryma pramile ałkaholu ŭ kryvi.
Sa stełaža jon uziaŭ plašku harełki i schavaŭ jaje pad kurtku ŭ rukaŭ, paśla čaho prajšoŭ mima kasy ź nieapłačanym tavaram.
Potym advažyŭsia na druhi zachod i prychapiŭ jašče plašku. Jon chavaŭ butelku za śpinu, pad adzieńnie, svajmu pryjacielu. Kradziež zaŭvažyli rabotniki kramy i nacisnuli tryvožnuju knopku. Kasir pabiehła dahaniać chłopca, spyniła jaho ŭ dźviarach, schapiŭšy za kaŭnier. Małady čałaviek supraciŭlaŭsia i sprabavaŭ vyrvacca.
Ale tut pryjechała milicyja.
Kamientary