Ftyzijatr Mikałaj Kozič pracavaŭ u Homielskaj abłasnoj suchotnaj kliničnaj balnicy. Siońnia jon vyjšaŭ na post paśla 15 sutak aryštu i daviedaŭsia, što zvolnieny.
Mikałaja zatrymali 26 kastryčnika za adzinočny pikiet pad ścienami balnicy. Jon stajaŭ u chałacie i z płakatam «Žyvie Biełaruś». Heta, darečy, užo druhi jaho termin. U vieraśni za ŭdzieł u łancuhu salidarnaści ŭ Žłobinie (Mikałaj z žonkaj jeździli tudy da baćkoŭ) 27-hadovamu doktaru dali 8 sutak.
Siońnia a 9-j Mikałaju ŭručyli pracoŭnuju knižku i zahad ab zvalnieńni. Aficyjnaja pryčyna zvalnieńnia — nievykanańnie pracoŭnych abaviazkaŭ.
Raniej, pa słovach chłopca, pretenzij da jaho pracy nie było. Ale pakul siadzieŭ na sutkach, kasiaki znajšli.
«Niedzie nie byŭ naznačany paŭtorny analiz, adno, druhoje. Za heta napisali vymovu. Plus u nas jość žurnał praciahnieńnia balničnych listoŭ. Jaho pišuć daktary i zahadčyca. Zahadčyca adździaleńnia pamyłkova napisała majho pacyjenta na niapravilnuju datu. A ŭ vyniku vinavaty akazaŭsia ja, i za heta taksama vymova», — raskazvaje Mikałaj.
Svaich palityčnych pohladaŭ jon nie chavaŭ. Padčas pieradvybarčaj kampanii byŭ aktyŭny, tłumačyŭ kaleham i pacyjentam, što treba hałasavać za Cichanoŭskuju.
«Paśla pieršych adbytych vaśmi sutak sa mnoj pravodzili hutarki, što, maŭlaŭ, nie treba nikudy chadzić, heta, jak bačyš, ničoha nie źmianiła. A adrazu paśla druhoha zatrymańnia hałoŭny doktar skazała mnie, što sa mnoj balnica rasstaniecca, što maksimum ja dapracuju da kanca kantrakta (to-bok da lipienia) i što pryčynu dla zvalnieńnia jana znojdzie. Ale, vidać, vyrašyli nie adciahvać hetaje pytańnie», — dzielicca małady doktar.
Razam z žonkaj Mikałaj žyŭ u internacie — ciapier jon musić vyzvalić pakoj u trochdzionny termin.
«Naša Niva» źviarnułasia ŭ balnicu. U adździele kadraŭ kamientavać situacyju nie stali, spasłaŭšysia na toje, što nie majuć dla hetaha paŭnamoctvaŭ. Hałoŭnaja doktarka Natalla Žuraŭlova ad ranku była zaniata na sielektarnaj naradzie.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia12
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher22
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher2
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary