Śpiavak Hierman, jaki byŭ viadučym na navahodnim pryjomie ŭ Łukašenki: Mnohija škadujuć, što pasychodzili z telebačańnia
16 studzienia adbyŭsia tradycyjny navahodni pryjom u Alaksandra Łukašenki, kudy byli zaprošany žurnalisty, spartoŭcy i čynoŭniki.
Jak vynikaje sa scenara, apublikavanaha ŭ telehram-kanałach, adnym ź viadoŭcaŭ byŭ pop-śpiavak Hierman Citoŭ. Kaliści jon vystupaŭ u duecie z Hannaj Šarkunovaj. Ciapier Hanna pryśviačaje klipy pamiaci Ramana Bandarenki, a Hierman tančyć ź siostrami Hruździevymi.
Śviatočny pryjom jon nie staŭ kamientavać, ale pahadziŭsia adkazać na paru pytańniaŭ.
Hierman zapeŭnivaje, što nie tak šmat artystaŭ i viadučych syšło ź dziaržaŭnaha telebačańnia i aficyjnaj estrady.
«Heta prosta karcinka takaja skłałasia. Mnohija škadujuć, što pasychodzili. Ja zastaŭsia, bo nie ŭjaŭlaju svajo žyćcio biez pracy — na telebačańni i na scenie», — ścisła patłumačyŭ jon.
Ź niehatyvam u svoj bok z hetaj nahody, kaža, nie sutykaŭsia.
Na ANT Hierman viadzie kulinarnuju pieradaču «Narodny kuchar». Paśla sychodu kaleh novych teleprajektaŭ u jaho nie dadałosia.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ4
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary