Viadomy pravasłaŭny misijanier i błohier Alaksandr Kuchta, aŭtar jutub-kanała «Baciuška adkaža», vyrašyŭ dałučycca da akcyi pa vyratavańni Ihara Łosika, žyćcio i zdaroŭje jakoha z-za haładoŭki, jakuju palitviazień trymaje ŭžo 36 dzion, znachodzicca ŭ niebiaśpiecy.
Alaksandr Kuchta vystupiŭ z asabistaj parukaj za Ihara Łosika ŭ adpaviednaści z art.121 Kryminalna-pracesualnaha kodeksa. Jon napisaŭ pra heta ŭ siabie ŭ fejsbuku i zaprašaje inšych śviataroŭ taksama vystupić paručnikami ŭ Ihara.
«Ja nie viedaju Ihara. I ja nie viedaju, ci spracuje maja avantura naohuł. Mahčyma ci Ihar, ci dziaržava admoviacca ad hetaha kampramisu. Ale ja nie chaču, kab pa duraści pamior čałaviek, a jaho siamja zastałasia asiraciełaj. Tamu siońnia ja padaŭ u Śledčy kamitet chadajnictva ab tym, kab mianie pryznali jaho paručnikam. Kali hety płan spracuje, to Ihar pajedzie dadomu i pačnie jeści. A dalej ja ŭskładaju nadziei na Boha», — napisaŭ śviatar.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary