Prezident Vieniesueły Uha Čaves paviedamiŭ siońnia, što Centralnaje Raźviedvalnaje Ŭpraŭleńnie ZŠA rychtavała zamach na jaho žyćcio. Praz hety zamach jon i admianiŭ svaju pajezdku ŭ Salvador, dzie mieŭsia ŭziać udzieł ŭ cyrymonii inaŭhuracyi abranaha prezidenta Maŭrysijo Funesa. Pra heta paviedamlaje ahienctva AR.
Pavodle Čavesa zamach musiŭ być taki: amierykancy płanavali puścić u bok prezidenckaha samalota rakietu. «U mianie niama sumnievu, što raźviedvalnyja arhanizacyi Złučanych Štataŭ datyčnyja da hetaha», — skazaŭ Čaves i ličyć, što da zmovy dałučyŭsia taksama Łuis Pasada Karyles, były ahient CRU na Kubie. Vieniesueła i Kuba ŭžo šmat hadoŭ patrabuje ŭ ZŠA vydać Pasadu, jaki źjaŭlaŭsia apanientam byłoha kiraŭnika Kuby, i jakoha zavočna pryznali vinavatym u raspracoŭcy vybuchu na borcie kubinskaha samalota ŭ 1976 hodzie, u vyniku jakoha zahinuła 73 čałavieki.
Čavies nie raz abvinavačvaŭ Złučanyja Štaty ŭ sprobie skinuć dziejny ŭrad ŭ jahonaj krainie abo ździejśnić uzbrojenaje ŭvarvańnie na terytoryju Vieniesueły. U minułym aficyjnyja krynicy ŭ amierykanskim uradzie abviarhali padobnyja zakidy, ale pakul što amierykanskaja ambasada ŭ Karakasie na hetuju zajavu nijak nie adreahavała.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary