Amierykanskija navukoŭcy paśpiachova kłanavali čarnanohaha tchara, jaki znachodzicca pad pahrozaj źniknieńnia. Dla stvareńnia kłona byŭ vykarystany hienietyčny materyjał asobiny, jaki zamarozili jašče ŭ 1988 hodzie.
Tchor źjaviŭsia na śviet 10 śniežnia. Samku nazvali Elizabiet En. Surahatnaj maci dla Elizabiet En stała samka zvyčajnaha tchara. Heta pieršy vypadak u ZŠA kłanavańnia žyvioły, jakaja znachodzicca pad pahrozaj vymirańnia.
Čarnanohi tchor — drapiežnik, jaki ŭ asnoŭnym charčujecca łuhavymi sabačkami. Praz baraćbu amierykanskich fiermieraŭ z łuhavymi sabačkami, jakija źniščali pasievy, tcharam nie chapała ježy, tamu z XIX stahodździa ich papulacyja stała rezka skaračacca.
U 1979 vid pryznali vymierłym, ale praz dva hady u štacie Vajominh znajšli papulacyju sa 130 asobin. Kab nie dapuścić vymirańnia vida, navukoŭcy złavili 18 ź ich, paśla čaho tchary byli pamieščanyja ŭ śpiecyjalnyja ŭmovy, dzie jany pačali davać patomstva.
U nas u Biełarusi žyvie tchor lasny, abo čorny (Mustela putorius). Ën šyroka raspaŭsiudžany. Jaho pa-biełarusku ŭ niekatoryja miascovaściach nazyvajuć jašče šašok.
Na siońniašni dzień u ZŠA naličvajecca bolš za tysiaču asobin čarnanohaha tchara. Zhodna z kłasifikacyjaj Mižnarodnaha sajuza achovy pryrody, hety vid znachodzicca pad pahrozaj źniknieńnia. Miarkujecca, što stvareńnie kłonaŭ dapamoža adnavić hienafond papulacyi, piša BBC.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary