Čyhunačnik z Połackaha rajona: Chaj mianie sadziać u turmu, ale maja chata budzie bieł-čyrvona-biełaj
Jak viadoma, chata Anatola Kachančyka ź vioski Alešča ŭ Połackim rajonie pafarbavana ŭ bieł-čyrvona-biełyja kolery i staić kala čyhunki, tamu mašynisty ciahnikoŭ, prajazdžajučy mima, časta sihnalać. Rejki prachodziać litaralna za 10 mietraŭ ad jaho chaty, i sam spadar Anatol 38 hod adpracavaŭ na čyhuncy.
Adnak na minułym tydni jaho zvolnili — jakraz paśla aryštu, jaki Anatolu Kachančyku daviałosia adbyć za parušeńnie administracyjnaha artykuła 23.34: rasfarboŭku chaty milicyjanty kvalifikavali jak niesankcyjanavanaje pikietavańnie.
Ź milicyi jon atrymaŭ i papiaredžańnie, što budzie novy pratakoł, kali chatu nie pierafarbavać. Ale rabić heta haspadar admaŭlajecca:
— Heta maja kraina, maja chata i moj ściah. Čamu ja pavinien niešta zafarboŭvać? Pierafarboŭvać ja ničoha nie budu. Kazali: «My znoŭ da ciabie pryjedziem i znoŭ pratakoł napišam». Dy kali łaska, pryjazdžajcie! Skazali: «My sami zafarbujem». Kažu: «Kali vy zafarbujecie, ja znoŭ usio adnaŭlu. A kab jana była zafarbavanaja, vam daviadziecca trymać mianie za kratami», — skazaŭ jon «Radyjo Racyi».
Žycharu Połackaha rajona dali 7 sutak aryštu: jaho dom pafarbavany ŭ bieł-čyrvona-bieły koler i bačny z čyhunki
Mužčynu, jaki pafarbavaŭ svoj dom kala čyhunki ŭ BČB, paśla «sutak» zvolnili z pracy
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary