Urad ZŠA ŭ subotu ŭchvaliŭ vykarystańnie adnadozavaj vakcyny ad karanavirusa kampanii Johnson & Johnson, paviedamlaje Reuters.
Upraŭleńnie pa sanitarnym nahladzie za jakaściu charčovych praduktaŭ i lekavych preparataŭ urada ZŠA dało dazvoł na vykarystańnie vakcyny Johnson & Johnson dla darosłych, starejšych za 18 hadoŭ.
U adroźnieńnie ad inšych, vakcyna Johnson & Johnson patrabuje tolki adnoj dozy.
Akramia taho, jaje možna zachoŭvać u zvyčajnym chaładzilniku, što spraščaje transparciroŭku i raspaŭsiudžvańnie vakcyny.
Testy, u jakich uziali ŭdzieł 44 tysiačy čałaviek, pakazali, što efiektyŭnaść vakcyny Johnson & Johnson składaje 66%, u toj čas, jak u vakcyn Pfizer i Moderna hety pakazčyk składaje prykładna 95%. Adnak ekśpierty źviartajuć uvahu na toje, što testy Pfizer i Moderna pravodzili da źjaŭleńnia brazilskaha, paŭdniovaafrykanskaha i brytanskaha štamaŭ karanavirusa, a testy Johnson & Johnson — tady, kali hetyja štamy ŭžo atrymali šyrokaje raspaŭsiudžańnie.
Jak adznačajuć śpiecyjalisty, u chodzie daśledavańnia było zarehistravana vielmi mała surjoznych pabočnych efiektaŭ vakcyny Johnson & Johnson.
Kamientary