Čamu štučny intelekt zastajecca dla śpiecsłužbaŭ adnym z pryjarytetaŭ
Słužby raźviedki pačali karystacca štučnym intelektam šmat hadoŭ tamu. Padčas chałodnaj vajny jon dapamahaŭ amierykanskamu Ahientcvu nacyjanalnaj biaśpieki i brytanskamu Centru ŭradavaj suviazi zapisvać i pierakładać pierachoplenyja savieckija telefonnyja zvanki. Adnak technałohija taho času była niedaskanałaj. Ciapier navukoŭcy sprabujuć damahčysia lepšych vynikaŭ.
Niadaŭna brytanski Centr ŭradavaj suviazi apublikavaŭ pracu pra toje, jak štučny intelekt moža źmianić isnavańnie hetaj śpiecsłužby. Naprykład, pravierka infarmacyi z dapamohaj kampjutara moža dapamahčy vyjaŭlać fejkavyja vyjavy, znachodzić dezynfarmacyju i identyfikavać botaŭ, jakija jaje raspaŭsiudžvajuć. Štučny intelekt zdolny błakavać kibierataki šlacham analizu šabłonaŭ aktyŭnaści ŭ sietkach i na pryładach, a taksama zmahacca z arhanizavanaj złačynnaściu praz vyjaŭleńnie padazronych sietak finansavych apieracyj, paviedamlaje The Economist.
Ale śpiecsłužby vymušanyja ŭličvać zakony ab abaronie pryvatnaj infarmacyi. U svajoj pracy Centr uradavaj suviazi abiacaje sačyć za ŭsimi prajavami staronnaści ŭ sistemie, naprykład, za situacyjami, kali ałharytm raspaznavańnia hołasu pracuje nie z usimi katehoryjami nasielnictva.
Śpiecsłužba taksama abiacaje ščyra infarmavać pra dapuščalnuju chibnaść i niapeŭnaść u jaje ałharytmach.
Amierykanskija ahienctvy raźviedki bolš uchilista raspaviadajuć ab pracy sa štučnym intelektam. Jany abiacajuć pracavać z pavahaj da čałaviečaj hodnaści, pravoŭ i svabod.
Nie tolki etyka abmiažoŭvaje śpiecsłužby ŭ pracy sa štučnym intelektam. Mašynnaje navučańnie pakazvaje drennyja vyniki, kali treba pradkazać pavodziny kankretnaj asoby. Heta asabliva važna ŭ takich śfierach, jak kontrteraryzm.
Terarystyčnyja ataki — davoli redkaja źjava, i praź niedachop infarmacyi kampjutaru ciažka navučycca pravilna ich analizavać. U svaju čarhu, drenny analiz i niapravilnyja vysnovy mohuć vyklikać toje, što pad palicejski pieraśled trapiać niavinnyja ludzi.
Jašče adna prablema — farmat ciapierašnich źviestak, naprykład, pierachoplenyja telefonnyja zvanki abo videa z dronaŭ, nie padychodzić dla taho, kab kampjutar moh karystacca imi padčas navučańnia analizu pavodzin.
-
Claude maluje hrafiki i dyjahramy niepasredna ŭ čacie
-
Ehaistyčnaja chramasoma ledź nie vyniščyła ludziej tysiačahodździ tamu. Padobna, jana viarnułasia — u marmonski štat Juta
-
Jak bot sa štučnym intelektam OpenClaw spačatku zachapiŭ śviet, a paśla trapiŭ pad zabarony i byŭ nazvany «kašmaram kibierbiaśpieki»
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary