Alaksandr Łukašenka nie moh davać abiacańniaŭ adnosna kanstytucyjnaj reformy rasijskamu kalehu Uładzimiru Pucinu, pakolki heta ŭnutranaja sprava Biełarusi. Łukašenka tolki infarmavaŭ rasijskaha lidara ab dalejšych płanach, paviedamiŭ žurnalistam u paniadziełak pres-sakratar prezidenta RF Dźmitryj Piaskoŭ, piša TASS.
«U ich (kiraŭnikoŭ RF i Biełarusi) byli abmierkavańni. Tam havorka idzie nie pra abiacańni, havorka idzie pra toje, što prezident Łukašenka infarmavaŭ prezidenta Pucina ab dalejšych płanach, u tym liku i płanach pa kanstytucyjnaj reformie», — adznačyŭ pradstaŭnik Kramla.
Jon padkreśliŭ,što «tut nie moža iści havorki pra toje, kab chtości kamuści niešta abiacaŭ».
«Heta ŭnutranaja sprava Biełarusi», — rastłumačyŭ Piaskoŭ.
19 sakavika Łukašenka zajaviŭ, što ŭ razmovach z Pucinym nie davaŭ abiacańniaŭ adnosna kanstytucyjnaj reformy, hetuju temu jany abmiarkoŭvali tolki ŭ ahulnych rysach.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ50
Kamientary