Matč adboračnaha turniru ČS pa futbole projdzie ŭ subotu ŭ Minsku.
Adnak pierad startam u adboračnym turniry zbornaja Estonii z-za karanavirusa apynułasia ŭ vielmi ciažkaj situacyi: joj nie dapamohuć ni hałoŭny trenier Tomas Chebierli, ni šerah asnoŭnych hulcoŭ, vymušanych prapuścić najbližejšyja matčy, paviedamlaje ERR.ee.
U paniadziełak usie hulcy i trenierski štab zbornaj zdali abaviazkovyja testy na karanavirus pierad zapłanavanymi matčami. Adzin z testaŭ byŭ stanoŭčy. Zhodna ź dziejučymi ŭ krainie praviłami, hulcy i treniery źjaŭlajucca blizkimi kantaktami takoha futbalista i pavinny znachodzicca ŭ samaizalacyi na praciahu 10 dzion.
Futbolnyja ŭłady vyrašyli paklikać na dapamohu i eks-hałoŭnaha treniera nacyjanalnaj zbornaj Marcina Rejma, jaki zaraz budzie kiravać hulnioj kamandy va ŭsich troch sakavickich sustrečach (24 sakavika — pajadynak z Čechijaj).
U paniadziełak viečaram mieniedžary zbornaj siadzieli na telefonach, ekstranna sprabujučy źviazacca z hulcami, jakich možna pryciahnuć u hałoŭnuju kamandu. Datelefanavacca da ŭsich nie ŭdałosia. Ale ŭ vyniku ekstranna na dapamohu byli paklikany 10 novych futbalistaŭ.
Nahadajem, što 27 sakavika zbornaja Biełarusi zhulaje z Estonijaj, a 30 sakavika ŭ haściach ź Bielhijaj. U našaj hrupie taksama zbornyja Čechii i Uelsa.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary