Kaciaryna Barysievič, Kaciaryna Andrejeva i Darja Čulcova ŭhanaravanyja premijaj «Honar žurnalistyki»
Žurnalistki Kaciaryna Barysievič (Tut.by), Kaciaryna Andrejeva (Biełsat) i Darja Čulcova (Biełsat) stali łaŭreatami premii «Honar žurnalistyki» imia Alesia Lipaja, piša Tut.by.
— Sioleta kryteram premii adpaviadajuć mnohija pradstaŭniki biełaruskich miedyja — i tyja, kaho kinuli za kraty, i tyja, chto praciahvaje rabić svaju pracu va ŭmovach biesprecedentnych represij. Ale mienavita Kaciaryna Barysievič, Kaciaryna Bachvałava (Andrejeva) i Darja Čulcova stali pieršymi, chto asudžany pa kryminalnych artykułach za vykanańnie svajho prafiesijnaha doŭhu, — adznačyła dyrektar i hałoŭny redaktar infarmacyjnaj kampanii BiełaPAN Iryna Leŭšyna.
Kaciaryna Barysievič była zatrymanaja 19 listapada 2020 hoda. Padstavaj staŭ artykuł, u jakim paviedamlałasia, što ŭ kryvi źbitaha da śmierci na płoščy Pieramien Ramana Bandarenki nie było ałkaholu. Jaje, a taksama doktara Balnicy chutkaj miedycynskaj dapamohi Arcioma Sarokina abvinavacili ŭ «vydavańni miedycynskaj tajamnicy, što paciahnuła ciažkija nastupstvy». 2 sakavika sud u Minsku prysudziŭ žurnalistku da 6 miesiacaŭ źniavoleńnia, Arciom Sarokin atrymaŭ dva hady kałonii z adterminoŭkaj na hod.
Kaciaryna Andrejeva i Darja Čulcova byli zatrymanyja 15 listapada 2020 hoda, kali viali pramy efir z akcyi pamiaci Ramana Bandarenki z kvatery doma na płoščy Pieramien. Abiedźviuch abvinavacili ŭ «arhanizacyi i padrychtoŭcy dziejańniaŭ, jakija hruba parušajuć hramadski paradak». U lutym 2021 hoda jany byli prysudžanyja da dvuch hadoŭ kałonii.
Premija «Honar žurnalistyki» ŭručajecca treci hod zapar u dzień naradžeńnia žurnalista Alesia Lipaja (pamior u žniŭni 2018 hoda), zasnavalnika pieršaha niezaležnaha infarmacyjnaha ahienctva ŭ Biełarusi. Łaŭreatami premii stanavilisia hałoŭny redaktar Tut.by Maryna Zołatava (2019) i žurnalistka «Radyjo Svaboda» Alaksandra Dyńko (2020).
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie3
Kamientary