Pra heta na sumiesnaj pres-kanfierencyi z hienieralnym sakratarom NATA Jensam Stałtenbierham u Bruseli zajaviŭ ministr zamiežnych spraŭ Ukrainy Dźmitryj Kuleba, piša RBK-Ukraina.
«Siońnia z partniorami abmiarkoŭvali, jak reahavać [na kancentracyju rasijskich vojskaŭ na miažy Ukrainy]. Rasija hetym razam nie zmoža nas źnianacku zaśpieć. Ukraina i našy siabry zastajucca pilnymi. My nie budziem hublać čas, i, kali Maskva pačnie novuju śpiral hvałtu abo nierazumna budzie dziejničać, heta budzie joj doraha kaštavać», — skazaŭ Kuleba.
Ministr pry hetym zapeŭniŭ, što Ukraina nie choča vajny, nie płanuje nijakaha «nastupu» i imkniecca vyrašyć kanflikt vyklučna dypłamatyčnym šlacham.
Raniej Kuleba paviedamiŭ, što Rasija ściahvaje vojski da miažy z Ukrainaj na troch kirunkach: u Krymie, na poŭnačy i na Danbasie.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary