Śviet

Miedyki: Navalny ŭ krytyčnym stanie, u luby momant admoviać nyrki ci serca

Analizy kryvi Alaksieja Navalnaha kažuć ab praźmierna vysokim uzroŭni kaliju, što moža pryvieści da vielmi ciažkich nastupstvaŭ.

Analizy kryvi rasijskaha apazicyjnaha palityka Alaksieja Navalnaha, jakija apynulisia ŭ rasparadžeńni miedycynskich śpiecyjalistaŭ z prafsajuza «Aljans daktaroŭ», kažuć pra toje, što stan apazicyjaniera blizki da krytyčnaha. Pra heta ŭ subotu, 17 krasavika, napisała ŭ svaim mikrabłohu ŭ sacsietcy Twitter Anastasija Vasiljeva, jakaja nazyvaje siabie lekaram Navalnaha, piša DW.

Zhodna z analizam, zroblenym klinika-bijachimičnaj łabaratoryjaj balnicy dla asudžanych VK-3 UFSVP pa Uładzimirskaj vobłaści, utrymańnie kaliju ŭ syrovatcy kryvi Navalnaha składaje 7,1 mmol/ł.

«Hetyja ličby krytyčnyja, — padkreślivaje Vasiljeva. — Heta aznačaje i nyrkavuju niedastatkovaść, i toje, što ŭ lubuju chvilinu mohuć adbycca ciažkija parušeńni rytmu serca: fibrylacyja žałudačkaŭ až da spynieńnia serca».

Dniom raniej, 16 krasavika, pradstaŭniki «Aljansu daktaroŭ» nakiravali ŭ Fiederalnuju słužbu vykanańnia pakarańniaŭ RF list z zaklikam ekstranna pačać pieramovy i prystupić da lačeńnia Navalnaha. «My hatovyja nieadkładna pačać pieramovy i zrabić usio mahčymaje siońnia, bo luboje pramarudžvańnie i čakańnie ciaham vychodnych dzion moža pryvieści da ciažkich nastupstvaŭ dla žyćcia i zdaroŭja našaha pacyjenta», — havaryłasia ŭ zvarocie.

Miž tym Jarasłaŭ Ašychmin, jaki taksama nazyvaje siabie doktaram Navalnaha, paćvierdziŭ, što kalij u jaho pacyjenta «katastrafična vysoki» i što čałaviek z «takim uzroŭniem kaliju pavinien naziracca ŭ reanimacyi». Akramia taho, Ašychmin adznačyŭ, što ŭ palityka nazirajecca rost kreatyninu, što «moža śviedčyć na karyść najaŭnaści nyrkavaj niedastatkovaści».

16 krasavika sam Alaksiej Navalny paviedamiŭ ab surjoznym paharšeńni zdaroŭja. Pa jaho słovach, supracoŭniki kałonii hatovyja pierajści da jaho prymusovaha karmleńnia «ŭžo ciapier», adnak pa-raniejšamu admaŭlajucca dapuścić da Navalnaha jaho daktaroŭ.

Rasijski apazicyjanier Alaksiej Navalny byŭ zatrymany 17 studzienia, kali viartaŭsia ŭ Rasiju z Hiermanii, dzie prachodziŭ lačeńnie paśla atručvańnia. Jaho asudzili na try z pałovaj hoda, zamianiŭšy ŭmoŭny termin na realny pa spravie «Iŭ Raše». U turmie jon abviaściŭ haładoŭku.

Kamientary

Ciapier čytajuć

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja6

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja

Usie naviny →
Usie naviny

«Majem adnu važnuju začepku». Rasśledavalniki praciahvajuć pošuk Mielnikavaj5

Biełaruski viertalot namahaŭsia źbić dron, što zalacieŭ u Litvu11

Alaksandr Hleb nie vykazvaje publičnaj niazhody z Łukašenkam, bo heta moža paciahnuć nastupstvy dla jaho siamji11

«Sprabavaŭ vyłavić kiepku». Na Minskim mory amal sutki šukajuć mužčynu, jaki vypaŭ za bort jachty

U Biełarusi aktyŭna budujuć dziaržaŭnyja majninhavyja fiermy. Jany dapamohuć padniać ekanomiku?7

Cichanoŭski: Paźniak zvarjacieŭ, škada čałavieka150

U Biełarusi ŭviaduć adkaznaść za hiej-prapahandu. Štraf — da 800 rubloŭ5

Maskoŭskaje «Tarpieda», jakoje treniruje biełaruski śpiecyjalist, vyklučyli z Rasijskaj premjer-lihi

U Litvu z terytoryi Biełarusi zalacieŭ niejki aparat. Spačatku padumali — šachied4

bolš čytanych navin
bolš łajkanych navin

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja6

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić