U Francyi 15 vałancioraŭ dziela ekśpierymientu 40 dzion žyli ŭ piačory biez telefonaŭ i hadzińnikaŭ
U subotu, 24 krasavika, hrupa vałancioraŭ vyjšła ź piačory paśla 40 dzion izalacyi ŭ miežach ekśpierymientu.
Hrupa vałancioraŭ va ŭzroście ad 27 da 50 hadoŭ uziała ŭdzieł u ekśpierymiencie, kab daśledavać miežy adaptacyi čałavieka da izalacyi. Usie ŭdzielniki admovilisia ad telefonaŭ, hadzińnikaŭ, soniečnaha śviatła i suviazi sa źniešnim śvietam i źmianili sučasny kamfort na piačoru z pastajannaj tempieraturaj 12°C i 95-adsotkavaj vilhotnaściu.
Udzielniki musili samastojna vypracoŭvać elektryčnaść z dapamohaj rovara i zdabyvać vadu z kałodzieža na hłybini 45 mietraŭ pad ziamloj.
Zasnavalniki ekśpierymientu pierakananyja, što taki dośvied dapamoža pravieryć zdolnaść ludziej adaptavacca da ekstremalnych umoŭ. Hetyja pytańni stali asabliva aktualnymi, kali ludzi sutyknulisia ź izalacyjaj padčas pandemii karanavirusa.
Navukoŭcy praanalizavali źviestki mazhavoj aktyŭnaści ŭsich udzielnikaŭ pierad tym, jak jany spuścilisia ŭ piačoru, kab potym vymierać ich paśla 40-dzionnaj izalacyi i paraŭnać pakazalniki. Ekśpierty adznačajuć, što ŭ ekśpierymiencie nie było kantrolnaj hrupy, što źjaŭlajecca nieabchodnym kampanientam u navukovych daśledavańniach.
Jak apisvajuć francuzskija žurnalisty, bolšaść udzielnikaŭ vyhladali zdarovymi, ale blednymi. Mnohija ź ich paśla kazali, što byli hatovyja pravieści ŭ piačory jašče niekalki dzion.
Kamientary