Ład žyćcia balivijskaha plemieni moža padkazać sposab zapavolić stareńnie
Balivijskaje plemia cymane ŭžo traplała pad uvahu navukoŭcaŭ, bo ŭ jaho pradstaŭnikoŭ, jak kažuć, «samyja zdarovyja sercy ź viadomych navucy». Ale ciapier vyśvietliłasia, što cymane taksama mohuć padkazać, jak zapavolić stareńnie.
Pavodle pracy kalifarnijskich daśledčykaŭ, mozh pradstaŭnikoŭ cymane z uzrostam atrafirujecca na 70% mienš, čym mozh jeŭrapiejcaŭ i amierykancaŭ. Mahčyma, ludzi ŭ raźvitych krainach bolš schilnyja da atrafii mozhu i adpaviedna da raźvićcia chvaroby Alchiejmiera, bo jany viaduć siadziačy ład žyćcia i spažyvajuć bahatuju na tłuščy i cukar ježu, piša Daily Mail.
Što datyčycca cymane, jany viaduć vyklučna aktyŭny ład žyćcia: palujuć, łoviać rybu, zajmajucca sielskaj haspadarkaj i źbirajuć sadavinu i arechi. Dyjeta plemieni bahataja na klatčatku i nieapracavanyja vuhlavody, jana składajecca z harodniny, ryby i niatłustaha miasa.
Cikava, što pry vyvučeńni mozha asobnych pradstaŭnikoŭ cymane vučonyja zafiksavali tyja ž źmianieńni mazhavych tkankach, jakija charakternyja i dla žycharoŭ Zachadu. U zachodnich krainach atrafiju mozha zvyčajna źviazvajuć z atłuścieńniem i prablemami mietabalizmu. A ŭ pradstaŭnikoŭ cymane źmianieńni mazhavych tkankach vyklikanaje infiekcyjami roznych typaŭ.
Raniej navukoŭcy ŭžo daviedalisia, što pradstaŭniki cymane redka chvarejuć na atłuścieńnie i dyjabiet druhoha typu, jany majuć narmalny kryviany cisk, zdarovyja arteryi i nizki ŭzrovień chalesterynu. Vyniki apošniaha daśledavańnia śviedčać, što źmiena ładu žyćcia moža pryvieści nie tolki da panižeńnia ryzyki sardečnych chvarob, a i da palapšeńnia stanu mozha.
Kamientary