U Kitai vyjavili pieršy ŭ śviecie vypadak zaražeńnia čałavieka ptušynym hrypam H10N3
Pieršy ŭ śviecie vypadak zaražeńnia čałavieka ptušynym hrypam H10N3 byŭ vyjaŭleny va ŭschodniaj kitajskaj pravincyi Cziansu, piša TASS.
41-hadovy mužčyna z horada Čžeńczian u kancy krasavika adčuŭ žar, praź niekalki dzion z-za paharšeńnia stanu jon źviarnuŭsia da doktara i byŭ špitalizavany. Da ciapierašniaha času jaho stan stabilizavaŭsia i amal całkam adpaviadaje kryteryjam dla vypiski z balnicy.
28 maja Nacyjanalny centr pa kantroli i prafiłaktycy zachvorvańniaŭ paśla atrymańnia materyjałaŭ pacyjenta pravioŭ ich analiz i pryjšoŭ da vysnovy, što mužčyna byŭ infikavany H10N3. Da ciapierašniaha času ŭsie ludzi, što kantaktavali ź im, źmieščanyja pad miedycynskaje nazirańnie. Tych, chto zachvareŭ, siarod ich pakul nie vyjaŭlena.
Jak adznačajecca ŭ paviedamleńni viedamstva, «H10N3 pachodzić ad ptušak, bo analiz hienomu pakazaŭ, što virus nie vałodaje efiektyŭnaj zdolnaściu zaražać čałavieka». Raniej u śviecie nie było zafiksavana ni adnaho vypadku zaražeńnia ludziej H10N3, virus pieradajecca pamiž ptuškami i maje nizkuju patahiennaść.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary