Studentaŭ fakulteta prykładnoj matematyki i infarmatyki BDU Savielija Dubovika i Volhu Vajtovič 1 červienia adličyli z VNU. Savielij vučyŭsia na pieršym kursie, Volha — na druhim.
Aficyjnaj pryčynaj stała parušeńnie artykuła 5.5 Statutu BDU. U im havorycca, što studenty
nie pavinny «ździajśniać dziejańniaŭ, za jakija zakanadaŭstvam praduhledžana administracyjnaja albo kryminalnaja adkaznaść».
Sprava ŭ tym, što junakoŭ zatrymali ŭ dzień, kali pačaŭsia sudovy praces u spravie studentaŭ. Da viečara pratrymali ŭ pastarunku, skłali pratakoły, a na nastupnym tydni asudzili na 100 bazavych vieličyń štrafu kožnaha.
«My prosta chacieli trapić na sud nad ludźmi, ź jakimi vučylisia na roznych pavierchach, ale ŭ adnym korpusie. Trapić tak i nie atrymałasia», — tłumačyć Savielij. «Pryjšli, kab padtrymać studentaŭ, ź jakimi vučylisia ŭ adnym korpusie», — faktyčna toje ž kaža Volha.
I ŭ Vajtoviča, i ŭ Dubovik heta byli pieršyja zatrymańni. Jašče ŭ listapadzie 2020 jany atrymali papiaredžańni za ŭdzieł u studenckich akcyjach va ŭniviersitecie. Na padstavie druhoha papiaredžańnia ich i vyklučyli z univiersiteta.
«Rašeńnie dakładna prymaŭ nie dekan, a chtości vyšej, — kaža Savielij Dubovik. — Na praciahu ŭsiaho tydnia dekan sprabavaŭ vyjści prosta na vyniasieńnie nam vymovy».
Volha kaža, što prablemaŭ z vučobaj u jaje nikoli nie ŭźnikała. Siaredni bał — 8,8. Savielij na hetaje ž pytańnie adkazvaje z uśmieškaj: «Siaredni bał krychu nižejšy, čym u Volhi».
Vajtovič rodam ź Ivanava Bresckaj vobłaści, Dubovik — minčuk. «Ciapier płanuju zdavać centralizavanaje testavańnie. Chaču pastupać nanoŭ», — kaža dziaŭčyna. «Kali ščyra, to nie viedaju, što rabić. Pastupać znoŭ chočacca, ale nie apuskać płanku paśla FPMI», — adkazvaje chłopiec.
-
Śpiecsłužby pad vyhladam «druku simvoliki i ściahoŭ» sprabujuć padbić biełarusaŭ zamiežža pieradać svaje asabistyja źviestki
-
«Za dzieviać dzion nivodnaj cełaj kanapy, smurod strašenny». Minčanka pra toje, jak nielha vybirać kvatarantaŭ
-
U Biešankovičach mužčyna pasprabavaŭ pradać ptušania i atrymaŭ «administracyjku»
Kamientary