Žychar Minščyny paviesiŭ BČB-ściah la škoły i pasvaryŭsia z vartaŭnikom — jaho adpravili ŭ kałoniju na dva hady
Žychara ahraharadka Zamastočča Siarhieja Misielu abvinavačvali ŭ «pahrozie hvałtu ŭ dačynieńni da słužbovaj asoby».
Mužčyna ŭ listapadzie minułaha hoda pryjšoŭ na terytoryju škoły z BČB-ściaham, kab paviesić jaho nad uvachodam. Siarhiej zmoh paviesić ściah, ale na šum z budynka škoły vybieh vartaŭnik. Jon zapatrabavaŭ źniać ściah, ale Misiela admoviŭsia, dadaŭšy, što kali vartaŭniku heta treba, to chaj sam i zdymaje, paviedamlajuć pravaabaroncy.
Paśla hetaha pamiž imi adbyłasia słoŭnaja svarka, u chodzie jakoj, pa viersii śledstva, na adras vartaŭnika prahučali pahrozy prymianieńnia hvałtu, a taksama toj zamachnuŭsia na vartaŭnika nažom.
Siarhiej admaŭlaŭ pahrozu nažom. Vartaŭnik taksama kazaŭ, što pahrozy nažom nie było. Tym nie mienš sudździa Alaksiej Krapačoŭ prysudziŭ mužčynu 2 hady kałonii.
Kamientary