Wildberries uvodzić kamisiju pry apłacie kartkami Visa, Mastercard i Maestro. Ci zakranie heta biełaruskich pakupnikoŭ?
Kampanija zajaviła, što nie budzie spahaniać kamisii pry apłacie zamovaŭ pry dapamozie rasijskich płaciežnych sistemaŭ «Mir», «Sistiemy bystrych płatiežiej» albo SberPay. A voś kali tavary buduć apłočvać kartkami Visa ci Mastercard, to kamisija składzie 2% ad koštu. U Biełarusi Wildberries bolš nie maje jurydyčnaj asoby, daviedalisia, ci budzie kamisija dla pakupnikoŭ z našaj krainy.
Ciapier padčas zakazu ŭ Rasii servis paviedamlaje pakupniku, što jamu daviadziecca dapłacić za vybar zamiežnaj płaciežnaj sistemy, albo prapanoŭvajecca biaspłatny rasijski varyjant. Takaja roźnica ŭtvarajecca za košt bolš nizkich kamisij pry apracoŭcy tranzakcyj rasijskimi płaciežnymi sistemami, adznačajuć u Wildberries i dadajuć, što ŭ Visa, Mastaercard i Maestro jany dachodziać da 2%.
U Biełarusi pracuje 281 punkt vydačy zamovaŭ Wildberries. Ci buduć raspaŭsiudžvacca na biełaruskich pakupnikoŭ novyja praviły?
«Kamisija padčas apłaty kartami Visa, Mastercard i Maestro uklučanaja tolki na terytoryi Rasii», — adkazali «Našaj nivie» ŭ kampanii.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy21
Kamientary