Incydent adbyŭsia, kali Džaścin Trudo nakiroŭvaŭsia da aŭtobusa paśla mitynhu. Premjer paviedamiŭ, što žvir trapiŭ u jaho, ale sam jon pačuvajecca narmalna.
Incydent adbyŭsia paśla mitynhu, jaki prachodziŭ na staleliciejnym zavodzie. Na im premjer, jaki ŭznačalvaje Libieralnuju partyju Kanady, raspavioŭ ab svajoj prahramie da vybaraŭ u parłamient.
Jak adznačaje CTV News, siarod tych, chto zakidvaŭ Trudo žviram, było šmat hramadzian ź simvolikaj Narodnaj partyi Kanady — kansiervatyŭnaha ruchu, jaki vystupaje suprać abaviazkovaj vakcynacyi nasielnictva.
Paśla svajho vystupu Trudo zajaviŭ, što jaho palityku nie buduć vyznačać patrabavańni tak zvanych «praciŭnikaŭ vakcynacyi».
«Tak, u krainie jość nievialikaja častka marhinałaŭ, jakaja ŭzłavanaja, jakaja nie vieryć u navuku i robić rasisckija i mizahinnyja napadki», — skazaŭ premjer-ministr.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?30
Kamientary