Vyznačany doŭhi śpis pretendentaŭ na litaraturnuju premiju Hiedrojca-2021
Žury dziasiataha siezona premii imia Ježy Hiedrojca nazvała knihi, jakija sioleta składuć doŭhi śpis, paviedamlaje Biełaruski PEN-centr.
Na premiju za najlepšuju knihu, napisanuju na biełaruskaj movie ŭ žanrach mastackaj i dakumientalnaj prozy i vydadzienuju ŭ 2020 hodzie, naminavałasia 31 kniha. U doŭhi śpis uvajšli 12:
Siarhiej Abłamiejka. Kalinoŭski i palityčnaje naradžeńnie Biełarusi. Minsk, Radyjo Svabodnaja Eŭropa / Radyjo Svaboda, 2020
Siarhiej Astraŭcoŭ. Spadar Svaboda. Minsk, Radyjo Svabodnaja Eŭropa / Radyjo Svaboda, 2020
Siarhiej Bałachonaŭ. Boh kachańnia Mars. Minsk, Januškievič, 2020
Jeva Vajtoŭskaja. Hareźlivy pacałunak. Minsk, Januškievič, 2020
Jeva Viežnaviec. Pa što idzieš, voŭča? Minsk, Pflaŭmbaŭm/Vydaviec Raman Cymbieraŭ, 2020
Valery Hapiejeŭ. I chaj nichto nie pojdzie pakryŭdžanym, abo Hrak i Moncia Chryścik. Minsk, Elektronnaja kniharnia, 2020
Siarhiej Kalenda. Akvaryum. Historyja adnaho junactva. Minsk, Łohvinaŭ, 2020
Artur Klinaŭ. Łokisaŭ. Vilnia, Łohvinaŭ, 2020
Aleś Papłaŭski. Hulni z nulavymi sumami. Minsk, Halijafy, 2020
Juljana Piatrenka. Charunžy. Verbera Ventorum. Minsk, Knihazbor, 2020
Tania Skarynkina. Rajcentr. Minsk, Pflaŭmbaŭm/Vydaviec Raman Cymbieraŭ, 2020
Andrej Fiedarenka. Žeton na mietro. Minsk, Mastackaja litaratura, 2020.
***
Zhodna sa statutam Premii doŭhi śpis (12 knih) abiraŭsia siabrami žury na pasiadžeńni šlacham adkrytaha hałasavańnia (paśla abmierkavańnia) prostaj bolšaściu hałasoŭ.
***
U skład žury sioletniaj premii Hiedrojca ŭvajšli: Nasta Hryščuk, litaraturny krytyk; Siarhiej Dubaviec, žurnalist, litaratar, krytyk; Maksim Žbankoŭ, kulturołah, krytyk, eseist; Anžeła Mielnikava, litaraturaznaŭca, doktar fiłałahičnych navuk, prafiesar; Aleś Paškievič, litaratar.
Premija imia Ježy Hiedrojca ŭručajecca z 2012 hoda za najlepšuju knihu ŭ žanry mastackaj i dakumientalnaj prozy i maje status hałoŭnaj niezaležnaj litaraturnaj uznaharody Biełarusi. Papiarednija pieramožcy premii: Pavał Kaściukievič, «Zbornaja RB pa niehałoŭnych vidach sportu» (2012), Uładzimir Niaklajeŭ, «Aŭtamat z haziroŭkaj ź siropam i biez» (2013), Ihar Babkoŭ, «Chvilinka: Try historyi» (2014), Viktar Kaźko, «Čas źbirać kości» (2015), Maks Ščur, «Zaviaršyć hieštalt» (2016), Źmicier Bartosik, «Byŭ u pana vierabiejka havaruščy» (2017), Uładzimir Arłoŭ, «Tancy nad horadam» (2018), Illa Sin «Libido» (2019), Siarhiej Dubaviec «Tantamareski» (2020).
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary