Hramadstva

Davydźka raspavioŭ ab płanach stvareńnia praŭładnaj partyi «Za Radzimu»

Pra takija płany staršynia hramadskaha abjadnańnia «Biełaja Ruś» raskazaŭ u efiry YouTube-kanała «Hałoŭny. Tur», piša BiełTA.

«Hramadskaje abjadnańnie «Biełaja Ruś» zastaniecca hramadskim abjadnańniem i budzie vyrašać vielmi vialikija zadačy, jakija stajać pierad našym hramadstvam u humanitarnaj śfiery (miedycyna, adukacyja, ekałohija, šmat usiaho), — padzialiŭsia płanami Hienadź Davydźka. — A voś palityčnaja častka — mienavita baraćba za ŭładu, za našy kaštoŭnaści, za mocnuju prezidenckuju respubliku, za sacyjalnyja dasiahnieńni, jakija ŭ nas jość i jakimi my hanarymsia. Niama nivodnaj krainy z takimi sacyjalnymi harantyjami, jak u nas. Jość jašče šerah kaštoŭnaściaŭ, jakija my pavinny baranić z usich siłaŭ. I dla hetaha treba zmahacca za ŭładu.

«Biełaja Ruś» za ŭładu nie budzie zmahacca. Jana budzie dapamahać palityčnym partyjam i tym lidaram, mierkavańnie i pazicyju jakich jana padzialaje».

Jon taksama adznačyŭ, što ŭ adpaviednaści ź dziejnym zakanadaŭstvam hramadskaja arhanizacyja nie maje prava zasnoŭvać palityčnuju partyju: «Heta pavinny być fizičnyja asoby».

«Tamu płanujecca, što kali ŭ nas projdzie refierendum, kali zrobiać źmieny ŭ zakanadaŭstvie ab palityčnych partyjach, kali budzie zrazumiełaja rola partyj (jana pavinna źmianicca — rola partyj — u farmiravańni ŭrada i hetak dalej), kali budzie praviedziena pierarehistracyja partyj, voś tady, chutčej za ŭsio, my zajavim ab svaich ambicyjach», — raspavioŭ jon.

«Rabočaja nazva partyi, jakuju hrupa tavaryšaŭ (płanuje stvaryć), usie viadomyja proźviščy, — «Za Radzimu».

My źbirajemsia zrabić takuju praŭładnuju partyju. Dyk voś, «Biełaja Ruś» — za Radzimu. «Biełaja Ruś» zastajecca «Biełaj Ruśsiu» (hramadskim abjadnańniem), a za Radzimu my budziem zmahacca ŭsimi dastupnymi nam sposabami», — dadaŭ Davydźka.

Kamientary

Sienatar Hrem anansavaŭ rekordnyja pastaŭki zbroi Ukrainie paśla zaŭtrašniaj zajavy Trampa7

Sienatar Hrem anansavaŭ rekordnyja pastaŭki zbroi Ukrainie paśla zaŭtrašniaj zajavy Trampa

Usie naviny →
Usie naviny

U Biełarusi vosiem niemaŭlat da hoda naviedvajuć dziciačy sad1

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem12

Minčanka raskazała, dzie paznajomicca ź pierśpiektyŭnymi chłopcami ŭ stalicy14

Cichanoŭski nasmažyŭ katlet na fiestyvali «Tutaka»45

Nakolki dakładna možna pradkazać nadvorje na miesiac? I čamu dahetul nie papiaredžvajuć pra tarnada za dzień?5

Źjavicca novaja dziaržava — Novaja Kaledonija3

Zarobak 73 rubli? Na zavodzie patłumačyli, adkul u ich takija vakansii

Francuz pierajechaŭ ź Nicy ŭ Minsk i adkryŭ piakarniu12

U Minsku kupili dom za 3 miljony dalaraŭ. Jon u tym rajonie, dzie žyvie Ejsmant1

bolš čytanych navin
bolš łajkanych navin

Sienatar Hrem anansavaŭ rekordnyja pastaŭki zbroi Ukrainie paśla zaŭtrašniaj zajavy Trampa7

Sienatar Hrem anansavaŭ rekordnyja pastaŭki zbroi Ukrainie paśla zaŭtrašniaj zajavy Trampa

Hałoŭnaje
Usie naviny →

Zaŭvaha:

 

 

 

 

Zakryć Paviedamić