Uvosień u adnym z restaranaŭ Minska ŭ kuchni zdaryŭsia pažar, jaki likvidavali ratavalniki. Jak rastłumačyli rabotniki ŭstanovy, spałachnuła padčas hatavańnia ježy.
Paśla praviadzieńnia ekśpiertyzy rabotnik Dziaržaŭnaha kamiteta sudovych ekśpiertyz pryjšoŭ da vysnovy, što pryčyna ŭ niaspraŭnaści fryciurnicy.
Pry daśledavańni frahmientaŭ zhadanaj techniki ekśpierty ŭstanavili, što śladoŭ avaryjnych režymaŭ raboty elektryčnaj pryrody na kanstruktyŭnych elemientach niama, adnak u TENie №1 uniesieny kanstruktyŭnyja źmieny, a mienavita — demanciravana termapara, pryznačanaja dla padtrymańnia zadadzienaha tempieraturnaha režymu raboty pryłady.
Na momant uźniknieńnia pažaru dvuchkamiernaja fryciurnica była padklučanaja da elektrasietki, a rehulatar tempieratury jaje nahrevu znachodziŭsia ŭ stanoviščy «ŭklučana» — na maksimumie. Dla pryhatavańnia ježy vykarystoŭvaŭsia alej.
Praviedzienyja daśledavańni dazvolili ekśpiertam śćviardžać, što adsutnaść važnaha kanstruktyŭnaha elemienta, jaki zabiaśpiečvaje biaśpieku funkcyjanavańnia kuchonnaj techniki, pryviała da pierahrevu aleju z nastupnym uzharańniem jaho paroŭ i adyhrała klučavuju rolu va ŭźniknieńni pažaru.
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary