Tavarystva biełaruskaj škoły likvidavali na jahonaje 100-hodździe
Viarchoŭny sud na pazoŭ Ministerstva justycyi likvidavaŭ Tavarystva biełaruskaj škoły (TBŠ). U niezaležnaj Biełarusi arhanizacyja mieła lehalny status apošnija čverć stahodździa i sioleta mahła adznačyć 100-hadovy jubilej.
Siarod pretenzij Ministerstva justycyi — nibyta niesapraŭdny jurydyčny adras, bo viartałasia karespandencyja, a taksama toje, što nie apublikavali spravazdaču dziejnaści za nieabchodny pramiežak času, piša «Radyjo Svaboda».
Heta ŭžo druhaja aficyjnaja zabarona ŭ historyi abjadnańnia. Roŭna 85 hadoŭ tamu adpaviednaje rasparadžeńnie vydała polskaja administracyja, a jakraz u Dzień narodnaha adzinstva toje samaje zrabiła ŭłasnaja dziaržava.
Namieśnica staršyni Tavarystva biełaruskaj škoły Tamara Mackievič na «raspravu» adreahavała pa-fiłasofsku.
«Davajcie ličyć heta pryznańniem. Značyć, našy nastaŭniki rabili ŭsio pravilna. Abjektyŭna kažučy, i tak šmat paśpieli za hetyja 25 hadoŭ. Tamu budziem ličyć, što heta čarhovy pierapynak na tatalitaryzm, z treciaha razu dakładna ŭsio atrymajecca», — pierakananaja jana.
Dataj zasnavańnia TBŠ ličycca 22 lutaha 1921 hoda, kali Centralnaja školnaja rada ŭ Vilni pryniała adpaviednuju pastanovu dziela aktyvizacyi pracy na miescach. Hałoŭny napramak palahaŭ u «raźvićci biełaruskaj aśviety».
Zhodna sa statutam, TBŠ mieła prava adkryvać i ŭtrymlivać narodnyja škoły, pravodzić kursy dla niepiśmiennych darosłych, utrymlivać nastaŭnickija sieminaryi, akazvać vučebna-mietadyčnuju i hrašovuju dapamohu.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary