«Biełdziaržcharčpram» pra cukar: deficytu niama, ceny pavyšać nie płanujem
«Biełdziaržcharčpram» nie płanuje pavyšać adpusknyja ceny na bieły cukar dla ŭnutranaha rynku.
U krainie pierapracoŭku cukrovych burakoŭ uradžaju 2021 hoda i vytvorčaść cukru pačali ŭsie čatyry cukrovyja pradpryjemstvy. Jany płanujuć vyrabić kala 580 tysiač t cukru, pry hetym patreba ŭnutranaha rynku składaje kala 360 tysiač t štohod.
«Biełaruski rynak zabiaśpiečany nieabchodnymi abjomami biełaha cukru, deficytu pradukcyi niama i nie čakajecca. Siońnia zapasy cukru na składach kambinataŭ składajuć 21,1 tysiač t. Z novaha ŭradžaju ŭžo vyrablena 33,3 tysiačy t cukru, što adpaviadaje miesiačnamu abjomu spažyvańnia na ŭnutranym rynku», — raspavioŭ staršynia kancerna «Biełdziaržcharčpram» Anatol Bubien.
Kamientary