Łukašenka ŭ intervju CNN: Kali vy nas budziecie atakavać i pazbaŭlać niezaležnaści, ja budu viečnym prezidentam
Alaksandr Łukašenka ŭ intervju CNN zajaviŭ, što nie źbirajecca być «prezidentam da śmierci», ale adznačyŭ, što ŭsio budzie zaležać ad situacyi ŭ Biełarusi, i nie vyklučyŭ, što budzie «viečnym prezidentam», kali Zachad praciahnie «atakavać» krainu, pieradaje BiełaPAN.
«Klanusia tabie, ja nie źbirajusia być prezidentam navat da śmierci. Prysiahać. Usio budzie zaležać ad situacyi ŭ Biełarusi.
Kali vy, vašy patrony na Zachadzie, adkul zaŭhodna, nie buduć umiešvacca ŭ našu situacyju i my budziem adčuvać siabie ŭpeŭniena i spakojna jak suvierennaja, niezaležnaja dziaržava, jak narod, jaki zasłužyŭ być suvierennym i niezaležnym, — paviercie, usio zdarycca raniej, čym vy dumajecie. Ale kali tolki vy aśmielvajeciesia jašče raz, jak u minułym hodzie, umiašacca ŭ našy padziei, budzie drenna. Budzie tak, jak vy dumajecie ciapier», — zajaviŭ Łukašenka ŭ intervju CNN, poŭnaja viersija jakoha była apublikavanaja 2 kastryčnika na YouTube.
Łukašenka taksama adkazaŭ na pytańnie, ci nie dumaje jon syści ŭ adstaŭku, bo znachodzicca na prezidenckaj pasadzie ŭžo 27 hadoŭ.
«Słuchajcie, ja 27 hadoŭ, jak vy skazali, na hetaj pasadzie słužu svajmu narodu, ale ja jašče nie dasiahnuŭ taho ŭzrostu, jak u vas u vašym vašynhtonskim abkamie. Tam, pa-mojmu, prezident — kolki jamu, 88 užo? Nu chutka 90. Tamu davajcie voźmiem za aryjencir uzrost vašaha patrona ŭ Vašynhtonie. A čamu b nie? Ale vy nie chvalujciesia, ja nie daciahnu da hetaha ŭzrostu, — adkazaŭ Łukašenka. —
Tamu prezidentam moža być čałaviek stolki, kolki jon pažadaje, i jaho abiare narod. Ale kali jon zdarovy i moža kiravać krainaj. U nas niaprostaja situacyja, tamu tut pavinien być enierhičny, zdarovy čałaviek, jakoha abiare narod, i jon budzie žadać być prezidentam. Voś hetyja hałoŭnyja ŭmovy».
«Ale ja ab adnym skazaŭ: pavinien być mir i spakoj, kab nie razburyłasia toje, što ja stvaraŭ jak pieršy prezident Biełarusi. Kali vy nas budziecie atakavać, uvieś čas nas bambić, pazbaŭlać svajho słova, svajho tvaru i svajoj niezaležnaści, ja budu viečnym prezidentam. Ja budu abaraniać toje, što ja stvaryŭ razam ź biełaruskim narodam, navat koštam svajho žyćcia», — padsumavaŭ Łukašenka.
Ciapier čytajuć
Tusk zajaviŭ pra hatoŭnaść adkryć Babroŭniki i Kuźnicu ź listapada19
Kamientary