«Tak, rasparadžeńnie administracyi pryjšło». U Minsku masava zdymajuć abjavy pra masačny režym
Łukašenka padčas narady, pryśviečanaj karanavirusu, žorstka vykazaŭsia: vakcynacyja i maski tolki dobraachvotna, nijakich prymusaŭ. Praź niekatory čas jak minimum u Minsku zdymajuć nalepki, płakaty, abjavy pra vykarystańnie masačnaha režymu.
Čytačy masava paviedamlajuć «Našaj Nivie» pra toje, što infarmacyju ab abaviazkovym našeńni masak i zachoŭvańni dystancyi prybirajuć adusiul: z zapravak, hramadskaha transpartu, kram.
Ludzi pišuć, što nahadvańnie pra maski ekstranna prybirajuć taksama z hukavych paviedamleńniaŭ u transparcie.
Na dźviarach mnohich aŭtobusaŭ, kram i aptek užo paźnikali nalepki pra masačny režym.
Taksama pa staličnych arhanizacyjach raspaŭsiudžvajecca list adździeła handlu i pasłuh Partyzanskaha rajona Minska.
U im administracyja rajona prosić prybrać usie abjavy, jakija majuć rekamiendacyi ab zachavańni masačnaha režymu, jakija byli raniej raźmieščanyja ŭ abjektach handlu, hramadskaha charčavańnia, bytavych pasłuh.
Vyhladaje jak niaŭdały žart, fejk niadobrazyčliŭcaŭ ci prosta fotašop. Ale heta praŭda.
U rasparadžeńnie «Našaj Nivy» pradastavili aŭdyjazapis razmovy z čynoŭnicaj taho samaha adździeła handlu. Žančyna paćviardžaje — list sapraŭdny.
«Heta nie žart, sapraŭdy takoje rasparadžeńnie my atrymali. Adzinaje, pakul nie bačyli samu pastanovu. Abjavy mienavita pra abaviazkovy masačny režym treba prybirać.
Abjavy rekamiendacyjnaha charaktaru pakinuć možna, kali čysta dla svaich naviednikaŭ, što rekamiendujecie nasić masku i zachoŭvać dystancyju, voś u takim płanie. Padumajcie, jak sfarmulavać, šabłonaŭ u nas pakul niama.
Ciapier centr hihijeny karać za absłuhoŭvańnie pakupnikoŭ biez masak nie budzie», — kaža čynoŭnica.
Ciapier čytajuć
Kaśpiarovič pamior try dni tamu, ale cieła znajšli tolki ciapier1
Kamientary