Vynieśli prysud eks-dyrektaru baranavickaha zavoda, jaki sprabavaŭ zmyć chabar u prybiralni. Termin vas ździvić
Kropku ŭ spravie ab atrymańni chabaru ŭ bujnym pamiery ŭ dačynieńni da byłoha kiraŭnika zavoda i načalnika biuro kamiercyjnaha adździeła pradpryjemstva pastavili 1 listapada. Abvinavačanych pryznali vinavatymi, ale ni adzin ź ich z vystaŭlenymi abvinavačvańniami nie zhodny, piša Intex-Press.
Karupcyjny skandał na adnym z najbujniejšych baranavickich pradpryjemstvaŭ vybuchnuŭ viasnoj hetaha hoda. 1 sakavika dyrektara Baranavickaha stankabudaŭničaha zavoda (filijał ZAT «Atłant») i načalnika biuro kamiercyjnaha adździeła pradpryjemstva złavili z dokazami złačynstva padčas atrymańnia chabaraŭ ad pradstaŭnika čelabinskaj firmy.
Zaśpiety źnianacku eks-kiraŭnik zavoda začyniŭsia ad pravaachoŭnikaŭ u prybiralni i pasprabavaŭ zmyć hrošy va ŭnitaz, adnak pazbavicca ad chabaru jon tak i nie paśpieŭ.
Raspačali kryminalnyja spravy pa č. 3 art. 430 («Atrymańnie chabaru ŭ bujnym pamiery»).
Śledstva vyśvietliła, što mužčyny rehularna atrymlivali chabary, ich ahulnaja suma skłała kala 470 tysiač rubloŭ.
Adnak ni adzin z abvinavačanych svaju vinu na sudzie nie pryznaŭ.
Eks-kiraŭnik biuro kamiercyjnaha adździeła pradpryjemstva i zusim zajaviŭ, što hrošy, jakija pravaachoŭniki nazvali chabaram, jon pazyčyŭ. Na pomnik.
Vierdykt suda pa hetaj hučnaj spravie abviaścili 1 listapada. Sud pryznaŭ abvinavačanych vinavatymi ŭ atrymańni chabaraŭ u bujnym pamiery i pryznačyŭ im pakarańnie: byłomu dyrektaru — 12 hadoŭ kałonii ŭzmocnienaha režymu sa štrafam 5000 bazavych vieličyń, jaho zmoŭščyku — 9 hadoŭ kałonii ŭzmocnienaha režymu sa štrafam u pamiery 3000 bazavych vieličyń. Hramadzianski pazoŭ ab kampiensacyi škody dziaržavie taksama budzie zadavoleny ŭ poŭnym abjomie.
Prysud u zakonnuju siłu nie ŭstupiŭ i moža być abskardžany.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia12
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher22
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher2
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary