Ułada

Łukašenka anansavaŭ jašče adnu razmovu ź Mierkiel

Alaksandr Łukašenka anansavaŭ jašče adnu telefonnuju razmovu z Anhiełaj Mierkiel. Na siońniašniaj naradzie ab situacyi na miažy jon padzialiŭsia padrabiaznaściami ab učorašniaj razmovie.

Jak paviedamlaje pres-słužba, jon zajaviŭ, što havorka išła ab mihrantach i situacyi na miažy. Pa jaho słovach, jon unios prapanovy «u cełym pa raźviazcy situacyi». Pry hetym była dasiahnuta damoŭlenaść nie vydavać padrabiaznaści.

Łukašenka paviedamiŭ, što Anhieła Mierkiel uziała paŭzu. Jon zaznačyŭ, što jana budzie abmiarkoŭvać adpaviednyja pytańni ź inšymi lidarami ES. Paśla hetaha pavinna być jašče adna telefonnaja razmova.

Łukašenka ŭpeŭnieny, što da jaho nie moža być nijakich pretenzij.

«Da nas nie moža być nijakich pretenzij. My robim usio, kab abaranić hetych ludziej. Samaje niebiaśpiečnaje — heta sproba padkinuć u hety łahier zbroju. My adciahvajem kałasalnyja siły, kab heta praduchilić», - skazaŭ jon.

Łukašenka adznačyŭ, što ŭ ES i Biełarusi roznyja pohlady na mihracyju.

«U nas, viadoma, roznyja pohlady na heta. Što ŭ Jeŭrapiejskim Sajuzie, što ŭ Biełarusi, pohlady roznyja. Vielmi jany zakłapočanyja prytokam biežancaŭ u Biełaruś. Ale jany absalutna nie viedajuć, što nie my ich siudy zaviem, i nie viedajuć, što kala 5 tys. na siońniašni dzień (dva dni tamu było 4681) — heta ludzi, jakich my za vosień viarnuli nazad. Heta značyć, my nie źbirajem pa ŭsim śviecie biežancaŭ i nie pryvozim u Biełaruś, jak Polšča prainfarmavała ES. Tyja, chto zakonna pryjazdžaje ŭ Biełaruś, my ich tut prymajem. Hetak ža, jak i ŭ luboj inšaj krainie. U kaho choć najmienšaje parušeńnie zakona — u samalot i nazad. Voś takich kala 5 tys. na siońniašni dzień. Ja prainfarmavaŭ kanclera Hiermanii pa hetym pytańni», — zajaviŭ Łukašenka.

Łukašenka taksama zajaviŭ, što da ŭrehulavańnia situacyi hatovyja padklučycca AAE.

«Jašče adzin momant chaču padkreślić: jość šmat dobrych ludziej, jakija hatovyja unieści značny ŭkład va ŭrehulavańnie situacyi ź biežancami i nie tolki na miažy Biełarusi, Polščy, Litvy, Łatvii. Nie tolki, ale pierš za ŭsio tut. Da ich b ja adnios Abjadnanyja Arabskija Emiraty. Kiraŭnictva hetaj krainy maje vialiki dośvied pracy ź biežancami, jany ŭžo prymali ŭdzieł u raźviazcy padobnych pytańniaŭ u śviecie i pracavali z tysiačami biežancaŭ», - skazaŭ jon.

«Tym bolš heta musulmanskaje nasielnictva, u ich niadrennaje parazumieńnie pamiž krainami i pamiž narodami. Dumaju, što Emiraty mahli b adyhrać tut značnuju rolu», — skazaŭ jon.

Łukašenka i Mierkiel pahavaryli pa telefonie

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Zialenski prapanavaŭ pravieści trochbakovuju sustreču z Pucinym i Trampam

Šrajbman: Ciapierašnija kanflikty ŭ apazicyi ŭžo mała kaho cikaviać14

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku11

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu6

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić