Jak praŭładnaja «Minskaja praŭda» kradzie artykuły «Našaj Nivy» SKRYNŠOTY
Skandalnaja praŭładnaja hazieta śmieła pieradrukoŭvaje artykuły niezaležnych miedyja. I vydaje ich za materyjały svaich aŭtaraŭ. Havorka pra «Minskuju praŭdu», viadomuju svaimi skandalnymi karykaturami. U kantekście rytoryki dziaržaŭnych ŚMI situacyja vyhladaje kamičnaj.
My zaŭvažyli jak minimum try teksty, jakija całkam dublujuć našaniŭskija. Adzin ź ich — pra rezki rost cen na harodninu. Materyjał byŭ apublikavany 28 listapada. Na sajcie «Minskaj praŭdy» jon źjaŭlajecca na nastupny dzień. Pa dziŭnym supadzieńni aŭtar dziaržaŭnaj haziety taksama paraŭnoŭvaje ceny na bulbu, morkvu, buraki, cybulu i kapustu.
A dalej raśpisvaje pryčyny padaražańnia: nadvorje, toje, što fiermiery praź nizkija ceny ŭ papiaredni hod pasadzili mienš harodniny, nizki ŭradžaj u Rasii. Amal słova ŭ słova takija ž pryčyny (navat u takoj ža paśladoŭnaści) prapisanyja ŭ našym tekście — jak kamientaryj supracoŭnika adździeła zakupak bujnoj handlovaj sietki.
Prosta paraŭnajcie cytaty:
Lohki rerajt — i voś pierad vami ekskluziŭ.
Druhi prykład — artykuł pra toje, čamu abvaliŭsia rejtynh Zialenskaha. Naša redakcyja apublikavała jaho 26 listapada. Minskaja hazieta źmiaščaje svaju analityku 10 śniežnia. I znoŭ ža: nabor vybranych cytat ukrainskaha prezidenta, arhumienty, vysnovy — jak pad kapirku.
Paraŭnajcie sami:
Tolki zamiest kamientaryja palityčnaha ekśpierta Alaksieja Rahavika razbor robić sam aŭtar teksta. Rady za jaho šyrokuju erudycyju i praniklivaść.
Jašče adzin prykład — materyjał pra toje, što budzie ź impartnymi šakaładkami paśla biełaruskich kontrsankcyj. Na «Našaj Nivie» tema vyjšła 8 śniežnia, na sajcie «Minskaj praŭdy» publikacyja źjaviłasia 13 śniežnia. Usie prykłady ź jeŭrapiejskimi šakaładkami i žavalnymi humkami paŭtarajucca. Navat zhadvańnie ŭkrainskaha Roshen, jaki da sankcyj nie adnosicca, — my dadali jaho prosta dla ahulnaj karcinki.
Adzinaje, što dapisaŭ ad siabie aŭtar, — hety radok: «Da i u nas samich dostatočno raźvitaja piŝievaja promyšlennosť i očień kačiestviennyje konditierskije izdielija, tak čto biez sładostiej v lubom słučaje biełorusy nie ostanutsia».
Usie materyjały vydajucca jak aŭtarskija teksty. Jany padpisanyja Alaksandram Čornym. Nu ci nie talent? Mahčyma, jon čytaje dumki i žurnalistaŭ inšych ŚMI (prynamsi natatku ź Bi-bi-si pad jaho imiem my bačyli).
My patelefanavali ŭ «Minskuju praŭdu». Hienieralny dyrektar Łarysa Koršun ździviłasia našaj pretenzii.
«My pravierym. Naohuł, my teksty praviarajem praz antypłahijat, hladzim, kab jany byli ŭnikalnyja, — udakładniła jana. — Sumnieńni ŭ nas jość, što heta vašy teksty. A vy sami praz antypłahijat prahaniali?
U nas u dzień vychodziać dziasiatki materyjałaŭ, bolšaja masa ź ich unikalnaja. Niedzie byvaje rerajt, ale spasyłacca na vašu krynicu naŭrad ci budziem. Skažu vam ščyra, ja za vašaj krynicaj nie saču».
U kampietencyjach Alaksandra Čornaha ŭ redakcyi nie sumniavajucca.
«Heta rehijanalny naš aŭtar. Usie jaho materyjały dahetul byli ŭnikalnyja», — zapeŭniła Koršun.
Čytajcie pa temie:
Adkaz pres-sakratara Biełaruskaha kaścioła na abrazu «Minskaj praŭdy»: My molimsia i za našych vorahaŭ
Aŭtar karykatury na katalickich śviataroŭ u «Minskaj praŭdzie» nie razumieje, čamu razhareŭsia skandał
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary