Urad pierasunuŭ dedłajn uviadzieńnia depazitnaj (załohavaj) sistemy zvarotu spažyvieckaj upakoŭki. Raniej mierkavałasia, što sistema źjavicca ŭ 2021 hodzie.
Taksama z płana źnižeńnia vykarystańnia płastyku prybrali punkt ab zabaronie peŭnych vidaŭ adnarazovaha posudu ŭ hramadskim charčavańni, paviedamlaje Office life.
Pierasunuty na bolš daloki haryzont jašče adzin dedłajn. Stvareńnie abjektaŭ pa sartavańni i pierapracoŭcy adchodaŭ palimiernaj upakoŭki — heta ŭžo sprava nie 2022-ha, a 2025 hoda. Raźvićcio vytvorčaści ekałahična biaśpiečnaj (u tym liku bijaraskładalnaj) upakoŭki taksama adterminavali: z 2023-ha na 2025-j.
Raniej biznes prasiŭ dziaržavu spačatku abkatać sistemu zvarotu depazitnaj tary praź piłotny prajekt. Taksama było niamała krytyki prapanoŭ Minžyłkamhasa pa hetaj sistemie. Naprykład, asacyjacyja roźničnych sietak ličyła, što prapanujecca nieefiektyŭny varyjant. U tym liku nie było infarmacyi, u kaho kuplać taramaty. Nie ŭsiudy možna lohka vydzielić płoščy pad zbor tary. U svaju čarhu, kampanija «Alivaryja» adznačała, što nie suprać uviadzieńnia depazitnaj sistemy, ale niama poŭnaha razumieńnia detalaŭ budučaha prajekta.
Polšča pryznała Alaksandra Mašenskaha niepažadanaj asobaj27
Kamientary