Niezaležny archiŭ VEHA stvaraje fotaalbom «Ludzi lesu». Kožny moža ŭziać udzieł
Niezaležny archiŭ VEHA pracuje nad stvareńniem novaj knihi na asnovie pryvatnych fotaarchivaŭ biełarusaŭ. Jana budzie nazyvacca «Ludzi lesu», a jaje tema — uzajemaadnosiny čałavieka i drevaŭ, žyviołaŭ, raślinaŭ.
Da 20 lutaha VEHA prymaje ličbavyja kopii fatahrafij ź siamiejnych archivaŭ, na jakich čałaviek uzajemadziejničaje ź dzikaj pryrodaj. Fota pavinny być źniaty na terytoryi sučasnaj Biełarusi, da 1980 hoda!
Kali łaska dasyłajcie ich na [email protected] z apisańniem: «Chto? Dzie? Kali? Kamu naležyć archiŭ?» Usie sabranyja zdymki buduć apublikavany ŭ archivie VEHA, a najbolš cikavyja stanuć knihaj!
«Naša praca heta zachavańnie vizualnaj historyi Biełarusi i ŭklučeńnie ŭ hety praces kožnaha», — pišuć stvaralniki VEHA.
Dahetul VEHA paśpiachova realizavała cikavyja prajekty «Apošni fotazdymak» (fotazdymki z pachavańniaŭ), «Dziavočy viečar» (viasielnyja fotazdymki da 1985 hoda), «Najlepšy bok» (tradycyja partretnaha fatahrafavańnia na fonie damatkanych dyvanoŭ).
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary