Užo ŭ žniŭni buduć raspracavanyja płany zabudovy žyłych rajonaŭ Ščomyślica, Tarasava, Dziehciaroŭka.
Budaŭnictva novych žyłych rajonaŭ Minska za kalcavoj aŭtadarohaj pačniecca ŭ 2011—2012 hodzie. Ab hetym paviedamiŭ namieśnik staršyni Minharvykankama Andrej Jasiučenia 5 žniŭnia na pres‑kanfierencyi.
Pavodle jaho słoŭ, užo ŭ žniŭni buduć raspracavanyja płany zabudovy žyłych rajonaŭ Ščomyślica, Tarasava, Dziehciaroŭka.
U 2009 i 2010 hadach płanujecca prystupić da prajektavańnia rajonaŭ Jelnica i Novy Dvor. Akramia taho, vyznačany pad zabudovu rajon Smalavič (rajcentr za 39 km ad Minska). Prajektavańnie apošnich troch rajonaŭ pačniecca paśla padpisańnia ŭkaza prezidenta ab pieradačy hetych terytoryj ad Minskaj vobłaści Minsku. Padrychtoŭka ŭkaza pačniecca paśla zaćviardžeńnia prezidentam skarektavanaha Hienieralnaha płana Minska, jakoje płanujecca ŭ kastryčniku‑listapadzie.
Akramia budaŭnictva žyłych rajonaŭ za miežami MKAD raspracoŭvajecca prahrama zabudovy terytoryi, jakaja prylahaje da kalcavoj aŭtadarohi. Hetu pracu z udziełam Minharvykankama viadzie Minabłvykankam. Prahrama praduhledžvaje budaŭnictva mahazinaŭ, hipiermarkietaŭ, supiermarkietaŭ, abjektaŭ hramadskaha charčavańnia, aŭtazapravačnych stancyj, abjektaŭ pasłuh. Ciapier prahrama prachodzić uzhadnieńnie, pry hetym niekatoryja abjekty, nie čakajučy zaćviardžeńnia, užo budujucca.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary