Ułady Čačni pakazali videa z vyviezienaj siłavikami ŭ Hrozny žonkaj viadomaha sudździ. Žančyna na kadrach havoryć ź ciažkaściu i błytaje słovy. Zarema Musajeva, jakuju prymusova vyvieźli z domu čačenskija siłaviki, prachodzić śviedkaj pa kryminalnaj spravie, zajaŭlaŭ kiraŭnik rasijskaj aŭtanomii Ramzan Kadyraŭ.
Dziaržaŭnaja telekampanija «Hrozny» ŭ svaim instahramie apublikavała videa z vyviezienaj čačenskimi siłavikami ź Nižniaha Noŭharada Zaremoj Musajevaj — žonkaj byłoha sudździ Viarchoŭnaha suda Čačni Sajdzi Janhułbajeva. Chvoraja na dyjabiet žančyna ŭ hutarcy z upaŭnavažanym pa pravach čałavieka ŭ Čačni Mansuram Sałtajevym kaža, što joj dali nieabchodnyja leki i što hvałt da jaho nie ŭžyvaŭsia.
Pry hetym žančyna ź ciažkaściu razmaŭlaje i błytaje słovy.
«Ja ciapier pierakanaŭsia, što nijakaha hvałtu da vas nie ŭžyvałasia, stan u vas ciapier… my razumiejem, insulinazaležny, zaraz vas lekar ahledzić. My pytańnie trymajem na kantroli», — kaža ŭ videa ŭpaŭnavažany pa pravach čałavieka.
«Heta sucelnaje piekła. U mianie niama słoŭ. Ja nie vieru, što takoje moža adbyvacca ŭ Rasiei. Ja viedaju svaju maci, i ciapier na videa jana ŭ vielmi ciažkim stanie i prosta nijakaja», — prakamientavaŭ źjaŭleńnie videa jaje syn, Abubakar Janhułbajeŭ.
Ramzan Kadyraŭ paabiacaŭ siamji eks-sudździ z Čačni miesca «ŭ turmie abo pad ziamloj», paviedamlaje rasijskaje vydańnie RBK.
Reč u tym, što Zarema Musajeva i sudździa Sajdzi Janhułbajeŭ — baćki viadomaha ŭ Čačni pravaabaroncy Abubakara Janhułbajeva. Ułady Čačni padazrajuć jaho ŭ tym, što jon viadzie telehram-kanał «1Adat», jaki raniej byŭ pryznany hroźnienskim sudom «ekstremisckim». U hetym kanale publikujecca krytyka Kadyrava i ŭładaŭ aŭtanomii, dzie isnuje režym žorstkaj adnaasobnaj ułady.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary