U Dziarždepie ŭpeŭnienyja, što zdolejuć spynić «Paŭnočny patok — 2» u vypadku ŭvarvańnia Rasii va Ukrainu. Raniej ab sankcyjach suprać hazapravoda kazała kiraŭnik MZS Hiermanii.
Złučanyja Štaty dabjucca spynieńnia hazapravoda «Paŭnočny patok 2», kali Rasija napadzie na Ukrainu. Pra heta, jak paviedamlaje Reuters, zajaviła namieśnik dziaržsakratara ZŠA Viktoryja Nułand.
«Kali Rasija ŭvarviecca va Ukrainu, to, tak ci inakš, «Paŭnočny patok 2» nie zapracuje», — skazała jana.
Nułand taksama vykazała nadzieju, što Maskva paśla vyvučeńnia adkazu ZŠA na jaje prapanovy pa biaśpiecy ŭ Jeŭropie vierniecca za stoł pieramovaŭ.
Napiaredadni kiraŭnik MZS FRH Analena Bierbak, vystupajučy ŭ Bundestahu, paviedamiła, što Bierlin hatovy ŭvieści sankcyi suprać rasijskaha hazapravoda «Paŭnočny patok — 2» u vypadku mahčymaha ŭvarvańnia Rasii va Ukrainu. «Na vypadak novaj ahresii ŭ nas jość šyroki śpiektr adkazaŭ, uklučajučy adkazy pa «Paŭnočnana patoku — 2», — skazała Bierbak.
«Tak, my zaŭsiody chočam dyjałohu: chto razmaŭlaje, toj nie stralaje», — zapeŭniła kiraŭnik MZS. Adnak, pa słovach Bierbak, Hiermanija i jaje sajuźniki «jasna dali zrazumieć, što adnaŭleńnie vajennych dziejańniaŭ suprać Ukrainy budzie mieć surjoznyja nastupstvy dla Rasii».
Čytajcie taksama:
Analena Bierbak: Siarod mieraŭ reahavańnia na rasijskuju ahresiju razhladajucca sankcyi ŭ dačynieńni da «Paŭnočnaha patoka — 2»
Ciapier čytajuć
«Staŭleńnie jak da skaciny». Prarasijski błohier raskazaŭ pra 25 sutak ŭ IČU2
«Staŭleńnie jak da skaciny». Prarasijski błohier raskazaŭ pra 25 sutak ŭ IČU
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary