Śviatłana Cichanoŭskaja sustrełasia ź ministram zamiežnych spraŭ Danii
Siońnia na sustrečy ź ministram zamiežnych spraŭ Danii Jepe Kofadam Cichanoŭskaja abmierkavała pytańnie staŭleńnia da refierendumu ŭ Biełarusi, situacyju z palitviaźniami ŭ Biełarusi, mahčymaść mižnarodnaj dapamohi i pavyšeńnia efiektyŭnaści zachodnich sankcyj.
Cichanoŭskaja raskazała dackamu ministru pra situacyju ŭ Biełarusi, padkreśliŭšy, što refierendum, jaki pravodzić Łukašenka, na samaj spravie antykanstytucyjny, niezakonny i nijak nie moža słužyć dla pieraadoleńnia kryzisu.
Taksama Cichanoŭskaja źviarnuła ŭvahu na napružańnie ŭ suviazi ź biesprecedentnaj dysłakacyjaj rasijskich vojskaŭ i adznačyła, što važna, kab Jeŭrasajuz adkryta vystupiŭ u padtrymku biełaruskaha suvierenitetu.
Akramia taho, na sustrečy baki abmierkavali situacyju z palitviaźniami i pracu mižnarodnaj płatformy dla Biełarusi pa pryciahnieńni vinavatych da adkaznaści, jakaja pracuje ŭ Kapienhahienie. Taksama zakranałasia pytańnie dapamohi biełaruskaj hramadzianskaj supolnaści.
Była abmierkavana i mahčymaść padniacca ŭ najbližejšy čas na Radzie ministraŭ Jeŭrasajuza pytańnia ab pavyšeńni efiektyŭnaści sankcyj, u tym liku pierakryćcia ščylin dla pastavak kaliju i naftapraduktaŭ, a taksama ab spynieńni karupcyjnych schiem, vybudavanych režymnymi aliharchami.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary