Rasijskija vojski pakinuć Biełaruś paśla zakančeńnia vučeńniaŭ, jakija projduć z 10 da 20 lutaha. Pra heta zajaviŭ pres-sakratar prezidenta RF Dźmitryj Piaskoŭ.
«Ab tym, što jany [vojski] mohuć zastacca, nikoli havorki nie išło», ‒ zajaviŭ Piaskoŭ.
Pytańnie zachavańnia suvierenitetu Biełarusi i advodu vojskaŭ paśla vučeńniaŭ uźniaŭ na sustrečy z prezidentam Rasii prezident Francyi Emanuel Makron 7 lutaha.
Znachodžańnie biesprecedentnaj kolkaści rasijskich vojskaŭ na terytoryi Biełarusi analityki nazyvali pahrozaj suvierenitetu Biełarusi i jaje patencyjnaj akupacyjaj.
Piaskoŭ taksama paviedamiŭ, što temu mahčymaha raźmiaščeńnia jadziernaj zbroi ŭ Biełarusi na pieramovach z Pucinym padniaŭ Makron. Pucin zapeŭniŭ francuzskaha kalehu ŭ niemahčymaści hetaha.
Piaskoŭ taksama paviedamiŭ, što pamiž Pucinym i Makronam ustalavalisia «vielmi kanstruktyŭnyja stasunki, Kreml byŭ hatovy da taho, što hutarka lidaraŭ zaciahniecca».
U toj ža čas, pa słovach Piaskova, Kreml nie bačyć hatoŭnaści Zachadu prymać pad uvahu zakłapočanaść RF, realnyja šlachi vyrašeńnia pytańnia ab harantyjach biaśpieki dla Rasii pakul nie pramacvajucca, dadaŭ pres-sakratar prezidenta RF.
FT: Pucin i Makron damovilisia źnizić napružańnie vakoł Ukrainy, rasijskija vojski ź Biełarusi vyvieduć
Makron: Nastupnyja dni buduć vyrašalnymi dla Ukrainy, a niezaležnaść Biełarusi pavinna być zachavanaja
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary