Film ab biełaruskich pratestach trapiŭ u łonh-list rasijskaj kinapremii «Nika»
Rasijska-estonskaja karcina «Minsk» zajaŭlenaja ŭ adzinaccaci naminacyjach Nacyjanalnaj kiniematahrafičnaj premii Rasii «Nika» za 2021 hod.
Hetaj navinoj na svajoj staroncy ŭ Facebook padzialiŭsia režysior stužki Barys Huc, piša reform.by.
«Akademikaŭ ja nachabna prašu źviarnuć uvahu na film i choć by pahladzieć — nie na mianie, a, u pieršuju čarhu, na pracu akcioraŭ/aktrys i apieratara (źniata adnym kadram). Dziakuj!» — napisaŭ jon u sacsietkach.
Barys Huc jak aŭtar scenaryja i režysior karciny zajaŭleny ŭ naminacyjach «Najlepšaja scenarnaja praca» i «Najlepšaja režysiorskaja praca».
Vykanaŭca hałoŭnaj roli Anastasija Šamiakina vyłučanaja ŭ katehoryjach «Najlepšaja žanočaja rola» i «Adkryćcio hoda». Naminavany na ŭznaharodu «Najlepšaja mužčynskaja rola» akcior Alaksiej Masładudaŭ.
U naminacyi «Najlepšaja mužčynskaja rola druhoha płanu» ad filma «Minsk» zajaŭleny Daniił Ściakłoŭ. Julija Auh pretenduje na pieramohu ŭ katehoryi «Najlepšaja žanočaja rola druhoha płanu».
U naminacyi «Najlepšy ihravy film» «Minsk» budzie zmahacca za pieramohu z 46 inšymi pretendentami. Siarod ich jość i jašče adna stužka, jakaja maje dačynieńnie da Biełarusi — heta «Uroki farsi» Vadzima Pierelmana pra Druhuju suśvietnuju vajnu.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju2727
Kamientary