Taki prysud vynies siońnia sud Savieckaha rajona Minska.
Aleha Hruździłoviča spačatku zatrymali 16 lipienia, padčas pahromu minskaha ofisa «Radyjo Svaboda», jon adsiadzieŭ tady 10 sutak. 23 śniežnia jaho zatrymali paŭtorna.
Sud nad Aleham pačaŭsia ŭčora. Byłoha žurnalista «Radyjo Svaboda» abvinavačvali u troch epizodach udziełu ŭ «masavych biesparadkach» padčas pratestaŭ suprać falsifikacyi vybaraŭ 2020 hoda i hvałtu (artykuł 342). Prakuror zapatrabavaŭ pakarać Hruździłoviča terminam u 1,5 hoda źniavoleńnia ŭ kałonii ahulnaha režymu.
Taksama Hruździłoviču vystavili isk na 56 tysiač rubloŭ.
Žurnalista ŭčora dapytali pa kožnym epizodzie: dzie znachodziŭsia i što rabiŭ u daty, vystaŭlenyja ŭ abvinavačvańni. Aleh adkazaŭ, što 16 žniŭnia 2020 hoda mieŭ akredytacyju MZS Biełarusi ŭ jakaści karespandenta «Radyjo Svaboda» i byŭ u kamizelcy z nadpisam «Presa», a 11 i 18 kastryčnika pracavaŭ jak pazaštatny žurnalist «Narodnaj voli», vykonvaŭ svaju pracu, bo z kanca žniŭnia MZS pazbaviŭ svabodaŭcaŭ akredytacyi.
Śviedkam na pracesie učora vystupiŭ redaktar «Narodnaj voli» Iosif Siaredzič, jaki raskazaŭ sudu, što Aleh vykonvaŭ redakcyjnaje zadańnie pa aśviatleńni padziej.
***
Aleh Hruździłovič — adzin z najviadomiejšych biełaruskich žurnalistaŭ. Jaho staž naličvaje amal 40 hadoŭ.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary