Krynicy ŭ dypkorpusie: ES rychtuje rašeńnie ab spynieńni vydačy viz hramadzianam Biełarusi
Siońnia stała viadoma, što ŭrad Čechii pryniaŭ rašeńnie ab spynieńni vydačy viz biełaruskim hramadzianam za vyniatkam humanitarnych vypadkaŭ. Hetaje rašeńnie maje sankcyjny charaktar i tłumačycca ahresijaj Rasii i łukašenkaŭskaha režymu suprać Ukrainy. Vyhladaje, heta tolki pieršy sihnał vialikaha trendu.
Krynicy «Našaj Nivy» u dypłamatyčnym korpusie kažuć, što krainy ES schilajucca da rašeńnia ab spynieńni vydačy viz hramadzianam Biełarusi (aproč humanitarnych vypadkaŭ).
«Pryniaćcie takoha rašeńnia nie za harami», — tłumačyć adzin z dypłamataŭ.
Ciapier ža realnaść takaja, što pry abmiežavanaj kolkaści konsulskaha piersanału krain ES ŭ Biełarusi, čarha pa jeŭrapiejskija vizy ŭ Minsku raściahnułasia na miesiacy — bližejšyja daty padačy ŭ mai. U śpisach achvotnych atrymać vizu tysiačy i tysiačy čałaviek.
Kamientary