FSB rychtuje apieracyi zapałochvańnia suprać nasielnictva zachoplenych ukrainskich haradoŭ — FT
Rasijskaj FSB daručana padrychtoŭka karnych apieracyj u zachoplenych ukrainskich haradach z metaj złamać supraciŭ nasielnictva i «ažyvić» uvarvańnie rasijskaha vojska va Ukrainu, piša brytanskaja hazieta FT sa spasyłkaj na jeŭrapiejskija śpiecsłužby i čynoŭnikaŭ.
«Jany raspracoŭvajuć scenary ahresiŭnaha padaŭleńnia mahčymych pratestaŭ i supracivu, u tym liku žorstki razhon natoŭpu, represii suprać arhanizataraŭ i mahčyma navat publičnyja pakarańni dla zapałochvańnia ŭkraincaŭ», — cytuje hazieta nienazvanaha jeŭrapiejskaha čynoŭnika.
Ukraincy akazali rašučy supraciŭ rasijskaj armii, jakuju Uładzimir Pucin adpraviŭ «vyzvalać» ich ad «šajki narkamanaŭ, nieanacystaŭ i banderaŭcaŭ». Kreml śćviardžaje, što imkniecca źniščyć tolki ŭkrainskuju armiju i vybranaje ŭkraincami kiraŭnictva krainy, a astatniaje nasielnictva zabivać nie choča.
Biazzbrojnyja ŭkraincy kładucca pad tanki, pratestujuć u zachoplenych haradach i ŭstupajuć u adkrytyja sutyčki z uzbrojenymi da zuboŭ rasiejskimi vajskoŭcami.
Karnyja apieracyi dazvolać Pucinu zdušyć hety supraciŭ i palehčyć žyćcio armii, miarkujuć analityki, apytanyja hazietaj. A hałoŭnaje — niadoraha, što važna dla Kramla va ŭmovach sankcyj i vajennych strat.
Akupacyja cełaj krainy patrabuje 20 vajskoŭcaŭ na 1 tysiaču nasielnictva, pavodle daśledavańniaŭ amierykanskaj vajskovaj akademii USAWC, ale ŭ Čačni Rasii spatrebiłasia bolš za 150. Heta vielmi zatratna, a karnyja apieracyi dazvalajuć źmienšyć straty na vajskoŭcaŭ.
«Z ulikam vielizarnaj terytoryi Ukrainy, Maskvie budzie ciažka vystajać pierad spakusaj źviarnucca da teroru. Heta tanny i pravierany mietad va ŭmovach niedachopu asabistaha składu», — cytuje hazieta byłoha kałumbijskaha vajskoŭca, a ciapier starejšaha daradcu European Institute of Peace Sierchia Charamiljo.
FT uspaminaje, što ŭ lutym ZŠA napisali ŭ AAN, što ŭ ich jość «hodnaja davieru infarmacyja» ab tym, što rasijskija vajskoŭcy «mahčyma źbirajucca ŭžyć śmiarotnuju siłu dla razhonu mirnych pratestaŭ» va Ukrainie i ŭžo skłali śpisy tych, chto «pavinien być zabity abo adpraŭleny ŭ łahiery paśla akupacyi» krainy.
Pradstaŭnik Kramla Dźmitryj Piaskoŭ tady nazvaŭ hetyja śćviardžeńni chłuśnioj i fejkam.
-
«Vialikabrytanija pavinna vykupić Amieryku nazad». Brytanski žurnalist patroliŭ Trampa
-
Tramp patrabuje pa miljardzie dołaraŭ ad krain za pastajannaje členstva ŭ Radzie miru, jakuju jon stvaraje. Staršynioj budzie jon sam
-
«Make America Go Away». Dziasiatki tysiač ludziej u Hrenłandyi i Danii vyjšli na akcyi suprać ZŠA
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy11
Kamientary