Bambavańnie rasijskimi vojskami radzilni ŭ Maryupali — nie vypadkovaść. Prapahandystka faktyčna anansavała jaho za niekalki hadzin da pačatku
Vystupajučy siońnia dniom padčas admysłovaha bryfinhu, aficyjnaja pradstaŭnica rasijskaha MZS Maryja Zacharava, viadomaja jak adna z najbolš adyjoznych prapahandystak pucinskaha režymu, zhadała pra Maryupalskuju dziciačuju balnicu ŭ takim kantekście, što ŭ joj nibyta zasieli «ŭkrainskija nacbaty».
Havoračy pra toje, što ŭkraincy, abvinavačvajučy Rasiju ŭ bambavańni ŭkrainskich haradoŭ, sami, maŭlaŭ, nie kažuć pra pastajannyja abstreły «DNR» i «ŁNR», Zacharava zhadała, što, maŭlaŭ:
«U Maryupali ŭkrainskija nacbaty, vyhnaŭšy piersanał i pacyjentaŭ z radzilni, abstalavali ŭ joj ahniavyja pazicyi».
Paśla taho jana praviała paraleli z zachopam u červieni 1995 hada čačenskimi bajevikami na čale z Šamilem Basajevym balnicy ŭ horadzie Budzionnaŭsku Staŭrapalskaha kraja.
Na videa hety frahmient pačynajecca pryblizna z 37 chviliny.
Kamientary