Padatak 9%, krypta, keš, adterminoŭka ad pryzyvu, maratoryj na kryminalnyja spravy. PVT rychtuje zakonaprajekt
Rezidenty PVT atrymali list ad administracyi parku, im padzialilisia z redakcyjaj dev.by. Ź lista vynikaje, što PVT rychtuje prajekt pa źmienie ŭmoŭ pracy dla IT-kampanij.
«Idei my ŭžo ŭnieśli va ŭrad. Našy tłumačeńni i arhumienty čujuć (pryčym, nie tolki va ŭradzie, ale i ŭ šerahu siłavych struktur). Mahčyma, častka našych prapanoŭ uvojdzie ŭ narmatyŭnyja akty, jakija tyčacca ŭsioj krainy (a nie tolki PVT) — havorycca ŭ liście za podpisam Usievałada Jančeŭskaha.
Jakija novaŭviadzieńni płanujecca ŭklučyć u dakumient:
— adterminoŭka ad pryzyvu;
— maratoryj na ŭsie pravierki, kryminalnyja spravy ŭ IT pa ekanomicy dy inš.;
— pa mahčymaści źnižeńnie padachodnaha padatku (viarnuć 9%);
— maratoryj na paharšeńnie zakanadaŭstva ab PVT, u tym liku pa valutnaj vyručcy («kali, nie daj boh, buduć niejkija źmieny»);
— dapamoha dziaržavy kampanijam pa źniešniehandlovych płaciažach (alternatyŭnyja valuty, UnionPay i inš.);
— dazvolić vykarystoŭvać kryptu;
— dazvoł (kali spatrebicca) unosić najaŭnyja na rachunki kampanij biez paćviardžeńnia pachodžańnia;
— dazvolić dystancyjnuju pracu ŭ inšych krainach (plus pryjom na pracu biez asabistaj prysutnaści).
Što jašče ŭ liście:
— «Prapanovy, jakija tyčacca asobnych kampanij, adpracoŭvajem ź dziaržorhanami ŭ ručnym režymie».
— «Mnohija pytajucca, ci možna karektavać pakazčyki biznes-prajektaŭ. Adkaz — tak, možna».
Administracyja Parku prosić rezidentaŭ apieratyŭna dasyłać prapanovy, kali vypuščana niešta istotnaje.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy19
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary