Pra heta zajaviŭ siońnia žurnalistam u čas naviedvańnia AAT «Śvitanak» u Žodzinie premjer‑ministr Biełarusi Siarhiej Sidorski.
Składskija zapasy na pradpryjemstvach Biełarusi ŭ lipieni skaracilisia na Br405 młrd. Ab hetym paviedamiŭ siońnia žurnalistam u čas naviedvańnia AAT «Śvitanak» premjer‑ministr Biełarusi Siarhiej Sidorski, pieradaje karespandent BIEŁTA.
«Červień‑lipień pakazaŭ, što ŭsiu pradukcyju, jakaja vyrablajecca ŭ Biełarusi, my pradajom unutry krainy i za jaje miežami, razhružajem składy, — skazaŭ Siarhiej Sidorski. — Tak, na składach jašče zastajucca Br6,9 trłn., ale my šukajem miechanizmy i kiraŭnickija rašeńni, jakija dali b mahčymaść realizavać našym pradpryjemstvam hetu pradukcyju ŭ taki nialohki čas na źniešnich rynkach».
Što datyčycca razhruzki pradukcyi mašynabudavańnia i stankabudavańnia, u tym liku realizacyi jaje na rasijskim rynku, jon nahadaŭ: «Na praciahu 4 apošnich miesiacaŭ my viadziom aktyŭnyja pierahavory z Aščadnym bankam Rasii, viasnoj padpisali ź im pahadnieńnie ab tym, što jon budzie kredytavać biełaruskich vytvorcaŭ. Heta mahutny prajekt, jaki va ŭmovach kryzisu daść šturšok raźvićciu handlova‑ekanamičnych adnosin dźviuch krain u ramkach Sajuznaj dziaržavy».
Analizujučy dziejnaść biełaruskich pradpryjemstvaŭ pa raźvićci ich tavarapravodnych sietak, premjer‑ministr źviarnuŭ asablivuju uvahu na toje, što ŭrad «pryniaŭ prefierencyjnyja papraŭki pa padtrymcy vytvorcaŭ pry vychadzie ich na źniešnija rynki». «Naprykład, pa Jeŭrasajuzu ŭ lohkaj pramysłovaści jašče nie admienieny ŭvaznyja mytnyja pošliny, a taksama tyja sankcyi, jakija byli prymienieny da kryzisu», — dadaŭ jon. Za apošnija paŭhoda značnuju dziaržpadtrymku atrymali pradpryjemstvy lohkaj i drevaapracoŭčaj pramysłovaściej. «Kali raniej tradycyjnymi dla nas byli rynki Maskvy i Sankt‑Pieciarburha, to ciapier treba vychodzić dalej — na Kazachstan, Uźbiekistan, Tadžykistan, za Urał, — ličyć Siarhiej Sidorski. — Urad pryniaŭ rašeńnie ab tym, što na ŭsio, što pradajecca za miežy krainy i idzie na adlehłaści bolš za 1 tys. km, dziejničajuć papraŭki, za košt jakich našym vytvorcam akazvajecca padtrymka na transpartnyja raschody».
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?17
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary