Zialenski: ukrainskija straty da 3 tysiač zabitych, kala 10 tysiač paranienych
U intervju CNN prezident Ukrainy Uładzimir Zialenski zajaviŭ, što za čas vajny zahinuli ad 2,5 da 3 tysiač ukrainskich vajskoŭcaŭ. Kala 10 tysiač paranienyja. «Ciažka skazać, kolki ź ich vyžyvie», — dapoŭniŭ Zialenski.
Da hetaha Ukraina aficyjna paviedamlała pra kolkaść zahinułych bolš za miesiac tamu, 12 sakavika — 1,3 tysiačy čałaviek.
Straty siarod rasijan pa aficyjnych ukrainskich dadzienych našmat bolšyja — 19—20 tysiač.
Ciažej za ŭsio, pa słovach Zialenskaha, padličyć kolkaść cyvilnych achviar:
«Vielmi składana kazać pra cyvilnych, bo poŭdzień našaj krainy, dzie harady i vioski našaj krainy zabłakavanyja — Chierson, Biardziansk, dalej na ŭschodzie Maryupal, i rajon na ŭschod, dzie raźmiaščajecca Vałnavacha — my prosta nie viedajem, nakolki šmat ludziej pamierła ŭ toj zonie, jakaja zabłakavanaja», — zajaviŭ u intervju Zialenski.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami10
Kamientary