Prezident Litvy šviedam i finam: Nie adciahvajcie ŭstupleńnie ŭ NATA
Prezident Litvy Hitanas Naŭsieda zaklikaŭ Šviecyju i Finlandyju jak maha chutčej padać zajaŭku na ŭstupleńnie ŭ NATA. Na jahonuju dumku, dałučeńnie hetych krain da aljansu dapamoža ŭzmacnić biaśpieku na terytoryi Bałtyi i palepšyć pazicyi arhanizacyi ŭ cełym.
Jak piša Financial Times, Hitanas Naŭsieda zajaviŭ:
«Dałučeńnie Šviecyi i Finlandyi da NATA palepšyć situacyju ź biaśpiekaj u Bałtyjskim rehijonie. My zmožam lepš kantralavać Bałtyjski rehijon z vajennaha punktu hledžańnia. Ale heta taksama ŭmacuje NATA jak arhanizacyju».
Akramia taho, prezident Litvy taksama adreahavaŭ na pahrozy Rasii, kali što, razharnuć jadziernuju zbroju na terytoryi Bałtyi i pavialičyć vajennuju prysutnaść u rehijonie ŭ adkaz na dałučeńnie da NATA Šviecyi i Finlandyi.
Pa słovach Naŭsiedy, Rasija i tak daŭno zachoŭvaje takoje ŭzbrajeńnie ŭ Kalininhradskaj vobłaści. Tamu skandynaŭskija krainy tolki adkažuć na hetyja dziejańni «susieda».
Kamientary