Na Čarnihaŭščynie sielanin, jakoha rasstralali i zakapali rasijanie, vybraŭsia z mahiły VIDEA
Mikałaju Kuličenku i dvum jaho bratam rasijanie źviazali ruki i nohi i strelili ŭ hałovy. Potym cieły zakidali ziamloj. Ale Mikałaju kula prabiła tolki miakkija tkanki i jamu ŭdałosia vyžyć. Vybraŭšysia z mahiły, jon pieššu dajšoŭ da najbližejšaj vioski, dzie jaho schavali miascovyja žychary. Hladzicie niezvyčajnuju historyju i źviarnicie ŭvahu na havorku. U hetych siołach niedaloka ad miažy Biełarusi havorać na biełaruskim dyjalekcie, heta adčuvajecca navat kali ludzi starajucca havaryć pa-ŭkrainsku.
Troch bratoŭ paśla akupacyi vioski ruskija aryštavali, troje sutak ich dapytvali, a paśla rasstralali. Paśla vyzvaleńnia vioski mahiłu abšukali, tam było ŭžo dva cieły. U mužčyn źviazany nohi i ruki, a taksama ahniastrelnyja ranieńni hałavy, paćvierdziŭ prakuror Čarnihaŭskaj rajonnaj prakuratury Siarhiej Chamajka. Žurnalisty znajšli treciaha brata.
18 sakavika rasijanie praviali pieratrus u domie bratoŭ, znajšli formu Uzbrojenych siłaŭ małodšaha brata Jaŭhiena i miedali dzieda. Pa słovach Mikoły, heta stała pryčynaj budučych katavańniaŭ i rasstrełu.
Jaŭhiena vyvieli na vulicu, pastavili na kaleni i źbili dubinkaj, jakuju jon zrabiŭ sam.
Chłopcam zaviazali vočy, zakinuli ŭ vajskovuju mašynu i vyvieźli ź vioski.
Paźniej stała viadoma, što ludziej dla dopytaŭ zvoziać u Višnieva na terytoryju tartaka.
«Na paddonach lažali paranienyja sałdaty», — raspavioŭ Mikałaj.
U hetym pakoi bratoŭ trymali try dni. Potym pavieźli na rasstreł.
Rasijanie vykapali bratam mahiłu. Usim trom źviazali ruki, nohi i vočy i prastrelili hałovy, zasypali ziamloj.
Pieršym zastrelili małodšaha. «U jamu kinuli, a potym Dzimu rasstralali, ale ŭ jamu nie kinuli. A potym, kali ŭ mianie stralali, mianie jašče i šturchanuli nahami. Ja ŭpaŭ na starejšaha», — raspavioŭ mužčyna.
Kula prajšła skroź ščaku i nie zakranuła žyćciova važnyja orhany.
Niahledziačy na źviazanyja nohi i ruki, Mikoła vybraŭsia z-pad ziamli i z mahiły. Jon dabraŭsia da bližejšaj vioski, minuŭ rasijski błokpost. Tam jaho prytuliła žycharka vioski Valancina Piatroŭna.
Apieratyŭna-śledčaja hrupa vyjechała na miesca pachavańnia paśla deakupacyi pasiołka. Prakuror paćvierdziŭ infarmacyju, što ŭ bratoŭ byli źviazanyja vočy, ruki i nohi, ahniastrelnyja ranieńni.
Padraździaleńni SBU buduć identyfikavać złačyncaŭ.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary