Biełaruski samalot Su-27 raźbiŭsia na avijašoŭ u polskim Radamie. Dva piłoty — pałkoŭniki Alaksandr Marficki i Alaksandr Žuraŭlevič — nie katapultavalisia, kab advieści samalot jak najdalej ad hledačoŭ.
Biełaruski samalot Su-27 raźbiŭsia na avijašoŭ u polskim Radamie. Dva piłoty — pałkoŭniki Alaksandr Marficki i Alaksandr Žuraŭlevič — nie katapultavalisia, kab advieści samalot jak najdalej ad hledačoŭ.
Trahiedyja zdaryłasia ŭ 14:15 u niadzielu pavodle minskaha času.
Samalot paciarpieŭ katastrofu praź dźvie chviliny paśla startu. Lotčyki vykonvali fihuru piłatažu (mierkavana «miortvuju piatlu»), samalot pačaŭ rezka źnižacca, potym schavaŭsia za najbližejšym lesam, a potym hledačy lotnišča Sadkuŭ pabačyli kłuby čornaha dymu.
Achviar siarod cyvilnaha nasielnictva niama. Dvoje biełaruskich piłotaŭ, advodziačy samalot ad hledačoŭ, nie katapultavalisia i zahinuli.
Samalot pavinien byŭ vystupać u subotu, ale pakazalny vystup pieranieśli na niadzielu z pryčyny kiepskaha nadvorja. U avijašoŭ u Radamie mielisia prymać try biełaruskija samaloty.
Samalot Su-27 naležaŭ da 61-j avijabazy ŭ Baranavičach i mieŭsia stać hałoŭnaj zorkaj palotaŭ, piša Wyborcza.
Zahinułyja: pałkoŭnik Alaksandr Marficki - namieśnik kamandujučaha Zachodniaha apieratyŭna-taktyčnaha kamandavańnia Vajenna-pavietranych sił i vojsk PVA, a taksama pałkoŭnik Alaksandr Žuraŭlevič — namieśnik kamandzira 61-j źniščalnaj avijacyjnaj bazy ŭ Baranavičach.
Pryčyna trahiedyja, zaznačajuć u Ministerstva abarony Biełarusi -- ptuška trapiła ŭ pavietrazabornik samalota.
Jak paviedamiŭ BiełaPAN načalnik pres-słužby Minabarony Biełarusi Viačasłaŭ Ramienčyk, padčas vykanańnia fihur vyšejšaha piłatažu źniščalnik pačaŭ hublać vyšyniu.
Piłoty Su-27UB — lotčyk-snajpier Alaksandr Marficki i lotčyk-snajpier Alaksandr Žuraŭlevič — pryniali rašeńnie nie katapultavacca, a advieści samalot na maksimalna mahčymuju adlehłaść ad nasielenaha punkta. Jak adznačyŭ Ramienčyk, canoj svajho žyćcia biełarusy praduchilili bolš ciažkija nastupstvy katastrofy.
Spačuvańni rodnym i blizkim zahinułych vykazaŭ prezident Biełarusi Alaksandr Łukašenka, a taksama Ministerstva abarony krainy.
Heta treciaja avaryja z udziełam vajennych samalotaŭ u historyi suvierennaj Biełarusi, u jakoj zahinuli piłoty.
Pieršaja adbyłasia 23 maja 1996 hoda. U joj zahinuŭ načalnik pavietrana-ahniavoj i taktyčnaj padrychtoŭki 61-j ZAB padpałkoŭnik Uładzimir Karvat. Canoj svajho žyćcia lotčyk advioŭ samalot, jaki zahareŭsia, ad nasielenych punktaŭ. Ukazam prezidenta Karvatu, pieršamu ŭ krainie, było prysvojena zvańnie Hieroja Biełarusi (paśmiarotna). Druhaja avaryja adbyłasia 19 maja 1997 hoda ŭ rajonie Baranavičaŭ. Su-17, jaki raźbiŭsia, piłatavaŭ padpałkoŭnik Siarhiej Pahraban. Pryčyny jaho hibieli nie abnarodavalisia.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary