Minfin apublikavaŭ źviestki ab vykanańni dziaržaŭnaha biudžetu. Respublikanski biudžet pa vynikach čatyroch miesiacaŭ vykanany z deficytam u 134,9 młn rubloŭ. Biudžet siektara dziaržkiravańnia zastaŭsia praficytnym. Dachody pieravysili vydatki na 1,03 młrd rubloŭ.
Pa vynikach pieršaha kvartała praficyt respublikanskaha biudžetu składaŭ 672,7 młn rubloŭ, a biudžetu siektara dziaržkiravańnia — 900 młn rubloŭ.
Dachody biudžetu siektara dziaržkiravańnia za čatyry miesiacy skłali 23,2 młrd rubloŭ, u tym liku było atrymana 1,56 młrd rubloŭ padatku na prybytak, 5,78 młrd PDV, 1,38 młrd — akcyzaŭ i 1,05 młrd rubloŭ dachodaŭ ad źniešnieekanamičnaj dziejnaści. FSAN sabraŭ 6,95 młrd rubloŭ pastupleńniaŭ.
Vydatki biudžetu siektara dziaržkiravańnia skłali 22,17 młrd rubloŭ, u tym liku na ahulnadziaržaŭnuju dziejnaść było nakiravana 4,04 młrd rubloŭ, na padtrymku ekanomiki — 2,54 młrd rubloŭ, na sacyjalnuju śfieru — 6,89 młrd. FSAN patracić 6,788 młrd rubloŭ.
Minfin pavysiŭ prahnoz biudžetnaha deficytu pa vynikach hoda.
Acenka deficytu biudžetu siektara dziaržkiravańnia pavyšanaja na 1,52 młrd rubloŭ da 4,1 młrd, a respublikanskaha biudžetu — na 1,51 młrd rubloŭ da 4,29 młrd.
Kamientary